ТАЛАС ШААРДЫК КЕӉЕШИ

ТОКТОМ

Талас шаардык кеңешинин VII чакырылыштагы кезексиз 9- сессиясы

2017-жылдын 28-июну № 47/9-7

Талас шаарындагы Ж.Молдосанов көчөсүндөгү жер алдындагы суулардын деңгээлин төмөндөтүү долбоору жөнүндө

Кыргыз Республикасынын “Жергиликтүү өз алдынча башкаруу жөнүндө” мыйзамынын 31-беренесинин 2-бөлүмүнүн 1-пункту, Кыргыз Республикасынын Өкмөтүнүн 10.11.2014-жылдагы №633 санду токтому жана Талас облустук өнүктүрүү фондусунун талабы боюнча Талас шаардык жергиликтүү өз алдынча башкаруусу-мэриясынын 27.06.2017-жылдагы №01-04/811 чыгыш сандуу катынын негизинде, Талас шаарында өзгөчө кырдаалдарды алдын алуу жана калктын коопсуздугун камсыз кылуу максатында карап, талкуулап чыгып, Депутаттардын Талас шаардык кеңешинин сессиясы

ТОКТОМ КЫЛАТ:

1. Талас шаарындагы Ж.Молдосанов көчөсүндө жер алдындагы суулардын деңгээлин төмөндөтүү үчүн жалпы суммасы 9792448 (тогуз миллион жети жүз токсон эки миң төрт жүз кырк сегиз) сомго эсептелген долбоорун Талас облустук өнүктүрүү фондусуна сунуштоого макулдук берилсин.

2. Кабыл алынган токтомду Талас шаардык “Жаны Багыт” газетасына жарыялоо жана Кыргыз Республикасынын ченемдик укуктук актылардын мамлекеттик реестринен каттоодон өткөрүүнү көзөмөлдөө жагы Талас шаардык кенешинин жооптуу катчысына (А.Сариева) милдеттендирилсин.

3. Бул токтомдун аткарылышына көзөмөлдүк кылуу жагы Депутаттардын Талас шаардык кеңешинин Өнөр жай, коммуналдык чарба, транспорт, курулуш, ишкерликти өнүктүрүү, электр жана байланыш иштери боюнча туруктуу комиссиясынын төрагасына (Ж.Иманалиев) тапшырылсын.