КОЧКОР АЙЫЛДЫК КЕӉЕШИ

ТОКТОМ

Кочкор айылдык кеңешинин VI чакырылышынын кезекcиз 9-сессиясы

2017-жылдын 28-апрели № 9/5

Теңдик жана Большевик айылдарынын калкты таза суу менен тейлөөдө суу акыларынын тарифтерин бекитүү жөнүндө

Кочкор айыл аймагынын Тендик айылындагы ИСКАКБ « Теңдик -Мурза » жана Большевик айылындагы ИСКАКБ «Алтын Булак Касымгелди » коомдук бирикмелеринин 2017-жылга карата калктан жана айылдагы бюджеттик мекемелерден суу үчүн алынуучу акынын тарифин бекитип берүү жөнүндө кайрылууларын карап, «Жергиликтүү өз алдынча башкаруу жөнүндө» Кыргыз Республикасынын Мыйзамынын 36-беренесине ылайык Кочкор айылдык Кеңеши

ТОКТОМ КЫЛАТ:

1. Кочкор айыл аймагынын Тендик айылындагы ИСКАКБ « Теңдик -Мурза » жана Большевик айылындагы ИСКАКБ «Алтын Булак Касымгелди »коомдук бирикмелеринин 2017-жылга карата калктан жана айылдагы бюджеттик мекемелерден суу үчүн алынуучу акынын тарифтери бекитилсин.

2. Ичүүчү суу менен бакчаларды, огороддорду сугарууга тыюу жана тартип бузгандарга 1м/ секунда кошуп алган трубанын тура кесилиш аянтына кеткен сууну 24 саатка көбөйтүп кубуна 10 сомдон канча күн кошулса ошол күнгө көбөйтүлүп айып салынары , суу киргизилген трубасы кесилери жашоочуларга ИСКАКБ « Теңдик -Мурза » жана ИСКАКБ « Алтын-Булак Касымгелди» бирикмелери тарабынан эскертилсин.

3. 2017-жылга карата калктан жана айылдагы бюджеттик мекемелерден суу үчүн алынуучу акыларды убагында чогултуп, мыйзамга ылайык иш жүргүзүү ИСКАКБ « Теңдик -Мурза » жана ИСКАКБ « Алтын-Булак Касымгелди» бирикмелеринин башчылары К.Жапаровго, А.Шаршенбаевге милдеттендирилсин.