КОЧКОР-АТА ШААРДЫК КЕӉЕШИ

ТОКТОМ

2016-жылдын 29-августу № 01-05/277

«Кыргызтуракжайкоммунсоюз» мамлекеттик ишканасынын балансындагы Кочкор-Ата жылуулук камсыздоо ишканасы жөнүндө

Кочкор-Ата шаардык Кеңешинин XXVI чакырылышынын кезексиз XXXVIII сессиясы, Кочкор-Ата шаарынын мэри К.М.Эгембердиевдин «Кыргызтуракжайкоммунсоюз» мамлекеттик ишканасынын балансында турган Кочкор-Ата жылуулук камсыздоо ишканасын шаар мэриясынын балансына өткөрүп алуу жөнүндөгү кайрылуусун сунуштаган катын талкуулап, Кыргыз Республикасынын «Мүлккө муниципалдык менчик жөнүндөгү» мыйзамынын 6 –беренесине ылайык

ТОКТОМ КЫЛАТ:

1. «Кыргызтуракжайкоммунсоюз» мамлекеттик ишканасынын балансында турган Кочкор-Ата жылуулук камсыздоо ишканасын шаар мэриясынын балансына өткөрүп алууга мүмкүн эместиги белгиленсин.

2. Тийиштүү мамлекеттик органдарга токтомдун нускасын жеткирүү Кочкор-Ата шаарынын мэри К.М.Эгембердиевге милдеттендирилсин.

3. Токтомдун аткарылышын көзөмөлдөө шаардык Кеңештин «Муниципалдык менчик, жер, өнөр жай, курулуш жана энергетика маселелери боюнча» туруктуу комиссиясына тапшырылсын.