КЕТМЕН-ДӨБӨ АЙЫЛДЫК КЕӉЕШИ

ТОКТОМ

Кетмен-Дөбө айылдык кеңешинин 7-чакырылышынын кезексиз 5-сессиясы

2017-жылдын 2-марты № 12

Кетмен-Дөбө айыл өкмөтүнүн 2016-жылдын жергиликтүү бюджетинин аткарылышы жөнүндө жана 2017-жылдын жергиликтүү бюджетин бекитүү жөнүндө

Кетмен-Дөбө айыл өкмөтүнүн 2016-жылдын бюджетинин киреше, чыгаша бөлүгүнүн аткарылышы жана 2017-жылдын бюджетинин сметасынын бекитилүүсү жөнүндө финансы жана экономика бөлүмүнүн башчысы Карымшакованын маалыматын угуп жана талкуулап Кетмен-Дөбө айылдык Кеңешинин кезексиз V сессиясы

ТОКТОМ КЫЛАТ:

1. Кетмен-Дөбө айыл өкмөтүнүн 2016-жылдын жергиликтүү бюджети жана анын аткарылышы жөнүндөгү отчету канааттандырарлык деп табылсын.

2. Кетмен-Дөбө айыл өкмөтүнүн 2017-жылдагы жергиликтүү бюджетинин (атайын каражатты кошкондо) киреше жана чыгаша бөлүгү 2656,5 мин сом болуп бекитилсин.

3. Кыргыз Республикасынын 2017-жылга республикалык бюджетинен чегерилүүчү теңдөөчү грант 8775,5 мин сом болуп бекитилсин.

4. Бул токтомдун аткарылышы Кетмен-Дөбө айыл өкмөтүнүн ФЭБ башчысы Карымшакова Гүлмира Казаковнага милдеттендирилсин.

5. Бул токтомдун аткарылышын көзөмөлгө алуу жагы Кетмен-Дөбө айылдык кеңешинин бюджет комиссиясына милдеттендирилсин.

6. Бул токтом www.ketmen-dobo.com. сайытына жарыяланган күндөн тартып мыйзамдуу күчүнө кирет.

7. Токтом мамлекеттик тилде гана кабыл алынды.