КАРА-КОЧКОР АЙЫЛДЫК КЕӉЕШИ

ТОКТОМ

Кара-Кочкор айылдык округунун Кеңешинин кезектеги он сегизинчи сессиясынын (IV-чакырылыш) жыйналышынын

2011-жылдын 11-апрели №18/4

«Кара-Кочкор айылдык округунун Кеңешинин ченемдик укуктук актыларын каттоонун тартиби жөнүндөгү Жобо» жөнүндө

Кыргыз Республикасынын «Жергиликтүү өз алдынча башкаруу жана жергиликтүү мамлекеттик администрация жөнүндөгү» мыйзамынын 32 беренесинин 3-пунктуна жана «Кыргыз Республикасынын ченемдик укуктук актылары жөнүндөгү» Кыргыз Республикасынын мыйзамынын 4, 27, 28 пункттарынын негизинде кабыл алынган Кыргыз Республикасынын Өкмөтүнүн 2010-жылдын 25-мартындагы №184 токтому менен бекитилген «Жергиликтүү өз алдынча башкаруунун өкүлчүлүктүү органдарынын ченемдик укуктук актыларын каттоонун тартиби жөнүндөгү типтүү Жобону» жетекчиликке алып Кара-Кочкор айылдык округунун Кеңеши

ТОКТОМ КЫЛАТ:

1.Кара-Кочкор айылдык округунун Кеңешинин ченемдик укуктук актыларын каттоонун тартиби жөнүндөгү Жобо бекитилсин. (Жобо тиркелет )

2.Кыргыз Республикасынын Өкмөтүнүн 2010-жылдын 25-мартындагы №184 токтомунун талаптарына ылайык 2010-жылдын 7-августунан бери айылдык округдук Кеңеши тарабынан кабыл алынган ченемдик укуктук актылар райондук «Мезгил үнү» гезитине жарыялансын жана 2010-жылдын 7-августунан бери жана 2011-жылы айылдык округдук Кеңеши тарабынан кабыл алынган ченемдик укуктук актыларды официалдуу түрдө жарыялоого , рассмий (орус) тилге которууга , тиешелүү канцеляриялык буюмдарды алууга , гезитке жарыялоого жана мамлекеттик рээстрге киргизүүгө жумшала турган акча каражаттарын 2011-жылдын бюджетине киргизүү жагы Кара-Кочкор айылдык округунун финансы-экономика бөлүмүнүн башчысы К.Ибраимовго милдеттендирилсин.

3.Айылдык округунун Кеңеши тарабынан кабыл алынган ченемдик укуктук актыларды атайын журналга каттоодон өткөрүү жана аларды мамлекеттик рээстрге киргизүү боюнча иштерди 2011-жылдын апрель айынан баштап жүргүзүү жактары айылдык округдук Кеңешинин жооптуу катчысы К.Омурзаковага тапшырылсын .