ҮЧ-ТЕРЕК АЙЫЛДЫК КЕӉЕШИ

ТОКТОМ

Эл депутаттарынын Үч-Терек айылдык кеңешинин VI чакырылышынын кезектеги ХХХII сессиясы

2016-жылдын 16-январы № 161

Кашка-Терек участкасынан карьер ачууга жер бөлүп берүү жөнүндө

Осмон-Ата сезондук ченемдөөчү бассейиндин курулушу башталгандыгына байланыштуу дамбанын алдынкы бетине (зеркало) полэтилен пленка жаткыруу үчүн пленканын алдына талапка жооп берээрлик топурак төшөөгө Кашка-Терек участкасынан пайдаланылбай жаткан жерден топурак алуу үчүн карьер ачуу жөнүндөгү Үч-Терек айыл өкмөтүнүн башчысы Р.Сейдалиевдин сунушун угуп жана талкуулап, Үч-Терек айылдык кеңешинин кезектеги ХХXII сессиясы

ТОКТОМ КЫЛАТ:

1. Үч-Терек айыл өкмөтүнө караштуу Саргата айылынын Осмон-Ата участкасындагы сезондук ченемдөөчү бассейин БСРдин курулушунун башталгандыгына байланыштуу Кашка-Терек участкасынан карьер ачуу үчүн 5 сотых жер бөлүнүп берилсин.

2. Кашка-Терек участкасынан бөлүнүп берилген жер аянтына тиешелүү документацияларын бүткөрүү жагы айыл өкмөтүнүн жер адиси К.Абазовго тапшырылсын.

3. Бул токтомдун аткарылышын көзөмөлдөө Үч-Терек айылдык кеңешинин төрагасынын орун басары Т.Урматаевге милдеттендирилсин.

4. Бул токтом www.uch-terek.kg сайтына жарыяланган күндөн тартып мыйзамдуу күчүнө кирет.

5. Токтом мамлекеттик тилде гана кабыл алынды.