ПОКРОВКА АЙЫЛДЫК КЕӉЕШИ

ТОКТОМ

Покровка айыл аймагынын айылдык кеңешинин 24-чакырылышынын кезектеги 28-сессиясы

2016-жылдын 18-марты № 22

Коопсуздук, тоскоолдук жараткан жана курулуш материалдары катары керек болгон тал-теректерди кыюу жөнүндө

Жол бойлорундагы куурап адам өмүрүнө коопсуздук жараткан, электр чубалгыларына тоскоолдук кылганжана курулуш материалдары катары керек болгон тал-теректерди кыюу маселесин талкуулап, Кыргыз Республикасынын “Жергиликтүү өз алдынча башкаруу жөнүндө” мыйзамынын 31-беренесин жетекчиликке алып, Покровка айылдык кеңеши

ТОКТОМ КЫЛАТ:

1. Покровка айылдык аймагына караштуу айылдардагы жол бойлорунда куурап адам өмүрүнө коопсуздук жараткан, электр чубалгыларына тоскоолдук кылган жана курулуш материалдары катары керек болгон тал-теректерди кыюу Кыргыз Республикасынын Өкмөтүнө караштуу курчап турган чөйрөнү коргоо жана токой чарбасы мамлекеттик агенттигин макулдашуусу менен жүргүзүлсүн;

2. Кыйылган тал-теректерди максаттуу пайдалануу айылдык аймактык комиссиясынын чечими менен жүргүзүлсүн;

3. Токтомдун аткарылышын көзөмөлгө алуу жагы, айылдык кеңештин алдындагы агрардык комиссиясына милдеттендирилсин.