КӨК-ЖАР АЙЫЛДЫК КЕӉЕШИ

ТОКТОМ

Көк-Жар айылдык кеңешинин бешинчи чакырылышынын отуз экинчи сессиясы

2016-жылдын 22-февралы № 32-2

Көк-Жар айыл өкмөтүнүн 2016-жылга карата бюджетин жана 2017-2018-жылдарга карата бюджеттин долбоорун бекитүү жөнүндө

Көк-Жар айыл өкмөтүнүн 2016-жылга каралган бюджетин бекитүү жөнүндөгү «Кыргыз Республикасынын 2016-жылга Республикалык бюджети жана 2017-2018-жылдарга болжолу жөнүндөгү» мыйзамынын негизинде иштелип чыгылган долбоору тиешелүү мекеме ишканалардын жетекчилеринин катышуусунда депутаттардын Көк-Жар айылдык кеңешинин экономика,бюджет,соода жана ишкердүүлүк боюнча туруктуу комиссиясы тарабынан каралып чыгылган.Кыргыз Республикасынын «Жергиликтүү өз алдынча башкаруу жана жергиликтүү мамлекеттик администрациялар жөнүндөгү» мыйзамынын 27-статьясынын 4-пунктуна жана 31-беренесинин 2-пунктуна ылайык депутаттардын Көк-Жар айылдык кеңеши

ТОКТОМ КЫЛАТ:

1 . 2016-жылга Көк-Жар айыл өкмөтүнүн айылдык бюджетинин кирешелери жана чыгашалары 21436,8 миң (жыйырма бир млн. төрт жүз отуз алты миң) сом өлчөмүндө бекитилсин.

2. 2016-жылга айылдык бюджеттин кирешелерин түзүүчү булактары жана чыгашалары боюнча багыттар № 1-тиркемеге ылайык аныкталсын.

-Айылдык бюджеттин чыгаша бөлүгү 2016-жылга түшкөн кирешелердин жана гранттардын чегинде ошону менен бирге биринчи кезекте каралган беренелер боюнча (эмгек акы,соц.фондго чегерүү,тамак- аш жана комуналдык кызматтарга) каржылануусу белгиленсин.

3. Көк-Жар айыл өкмөтүнүн 2017-2018-жылдарга айылдык бюджетинин болжолунун негизги көрсөткүчтөрү № 2,3 тиркемеге ылайык колдоого алынсын.

- Кирешенин болжолу 2017-жылга 21147,2 миң (жыйырма бир млн. бир жүз кырк жети миң эки жүз) сомго (республикалык бюджеттен алынуучу гранттар 4723,7 миң сом менен) жана 2018-жылга 21927,9 миң сомго (республикалык бюджеттен алынуучу гранттар 4439,4 миң сом менен) белгиленсин.

-Көк-Жар айыл өкмөтүнүн 2017-2018-жылдарга айылдык бюджетинин негизги көрсөткүчттөрүнүн болжолу жактырылсын,аларды ар бир конкреттүү мезгилде кабыл алууда тактоо жүргүзүү жагы белгиленет.

 4. Атайын каражаттардын кирешесинин сметада бекпитилген өлчөмүнөн ашыкча бөлүгү толугу менен айылдык бюджеттик мекеменин каржылоосуна калары аныкталсын.

5. Айылдык бюджеттик мекемелери казыналыктын регионалдык бөлүмдөрүнөн тышкары мекеменин кассасы аркылуу атайын каражаттарын чыгымдоого тыюу салынсын.

 Атайын каражаттар казыналыктан тышкары (бюджеттик мекемелердин кассасы аркылуу) чыгымдалган учурда Кыргыз Республикасынын «Кыргыз Республикасынын 2016-жылга республикасынын бюджетинин 2017-2018-жылдарга болжолу жөнүндөгү» мыйзамынын 14-беренесинин 2-пунктуна ылайык бул каражаттын 100 пайызы республикалык бюджетке алынып коюлары эскертилсин.

6. 2016-жылдын 1-январына карата айылдык бюджет боюнча жүргүзүлүүчү кассалык накталай акча миң сом суммасында белгиленсин.

7. Айыл өкмөтүнүн башчысы төмөнкүлөргө укуктуу:

- Ушул токтомдун 1-беренесинде бекитилген суммалардын чегинде,эгер бул айылдык бюджеттин киреше бөлүгүнөн азайтууга алып келбесе ушул токтомдун тиркемелерине өзгөртүүлөрдү киргизүүгө:

- ченемдик укуктук актыларды өзгөртүүсүнүн неизинде жыл ичинде тактоолорду жүргүзүүгө:

- киреше бөлүгүнөн белгиленген пландан ашыкча түшкөн каражаттын эсебинен чыгаша бөлүгүнүн өлчөмүн көбөйтүү жагын кароого:

8. 2015-жылга айылдык бюджеттин киреше бөлүгүнүн пландарынан ашыкча аткарылышынан түшкөн каражаттарды бөлүштүрүү жана өзгүртүү киргизүү айылдык мкеңешке ыйгарылсын.

9.Жергиликтүү бюджеттик мекее-ишканалардын финансылык-экономикалык негиздерин чыңдоо,алардын финансылык мамлекеттик каражаттарды максаттуу пайдалануусун камсыз кылуу жагы айыл өкмөтүнүн жана ФЭБнүн башчысы тарабынан көзөмөлгө алынсын.

10. Көк-Жар айыл өкмөтүнүн 2015-жылдагы айылдык бюджеттин киреше бөлүгү 21507,6 миң (жыйырма бир млн.беш жүз жети миң алты жүз) сомго,чыгаша бөлүгү 19854,8 миң(он тогуз млн. сегиз жүз элүү төрт миң сегиз жүз) сомго жана кирешенин чыгашадан 1652,8 миң(бир млн. алты жүз элүү эки миң сегиз) сомго артыкчылыгы менен аткарылгандыгы № 4,5 тиркемеге ылайык белгиленсин.

11. Бул токтомдун аткарылышын көзөмөлдөө жагы депутаттардын Көк-Жар айылдык кеңешинин экономика,бюджет соода жана ишкердүүлүк боюнча туруктуу комиссиясына тапшырылсын.