ОТУЗ-АДЫР АЙЫЛДЫК КЕӉЕШИ

ТОКТОМ

Кара-Суу районунун Отуз-Адыр айылдык кеңешинин кезектеги VI сессиясы (бешинчи чакырылыштагы)

2015-жылдын 17-ноябры№ 1

«Отуз-Адыр айылдык аймагындагы кайра бөлүштүрүү фондунун жерлерин ижарага берүүнүн баштапкы баасын бекитүү жөнүндө»

Отуз-Адыр айыл өкмөтүнүн жер маселелери боюнча жетектөөчү адиси Нышанов Сыдыктын «Отуз-Адыр айылдык аймагындагы кайра бөлүштүрүү фондунун жерлерин ижарага берүүнүн баштапкы баасын бекитүү жөнүндө» аттуу билдирүүсүн угуп жана талкуулап айылдык кеңеш

ТОКТОМ КЫЛАТ:

1. Отуз-Адыр айылдык аймагындагы кайра бөлүштүрүү фондунун жерлеринин баштапкы ижара баасы төмөндөгүдөй өлчөмдө бекитилсин:

1-категориядагы 1 га сугат жерге – 5000 сом.

2-категориядагы 1 га шарттуу сугат жерге – 2500 сом.

3-категориядагы 1 га кайракы жерге – 300 сом.

Олтургузулгандыгына 1-10 жыл болгон сугат жердеги 1 га бак үчүн – 3000 сом.

Олтургузулгандыгына 10 жылдан ашкан сугат жердеги 1 га бак үчүн – 6000 сом.

Олтургузулгандыгына 1-10 жыл болгон шарттуу сугат жердеги 1 га бак үчүн – 1500 сом.

Олтургузулгандыгына 10-20 жыл болгон шарттуу сугат жердеги 1 га бак үчүн – 2000 сом.

Олтургузулгандыгына 20 жылдан ашкан шарттуу сугат жердеги 1 га бак үчүн – 2500 сом. 

2. Кайра бөлүштүрүү фондунун жерлерине ижара келишимдерин түзүүдө кемчилдиктерге жол берилгендигине жана инфляциянын темпинин өсүүсүнө байланыштуу 2015-жылдын 17-ноябрына чейин түзүлгөн келишимдер күчүн жоготту деп эсептелип кайрадан түзүлсүн.

3. Кайра бөлүштүрүү фондунун жерлерине ижара келишимдерин кайрадан түзүүдө ушул токтомдун №1 пунктунда каралган баштапкы ижара баалар сакталсын.

4. Ушул токтомдун аткарылышын камсыз кылуу Отуз-Адыр айыл өкмөтүнө тапшырылсын (Т. Туйбаев).

5. Бул токтомдун аткарылышын көзөмөлгө алуу айылдык кеңештин бюджет жана экономика боюнча туруктуу комиссиясына жүктөлсүн. (У. Атабаев).