КАРА-ОЙ АЙЫЛДЫК КЕӉЕШИ

ТОКТОМ

Эл депутаттырынын Кара-Ой айылдык кеңешинин XXVI чакырылышынын кезектеги жыйырма биринчи сессиясы

2016-жылдын 29-январы № 05

Кара-Ой айыл ѳкмөтүнүн муниципалдык кызматкерлеринин эмгек маянасына кошумча акча-каражаты жөнүндө

Кыргыз Республикасынын 2004-жылдын баш оона айынын 21деги № 165 «Муниципалдык кызмат жөнүндө» мыйзамынынын 28-беренесине ылайык, айыл ѳкмөтүнүн ФЭБнун башчысы А. Жайнакованын айыл ѳкмөтүнүн аппарат кызматкерлеринин айлык маяна көлөмүн көбөйтүү жөнүндөгү кайрылуусун карап, талкуулап чыгып Кара-Ой айылдык кеңеши

ТОКТОМ КЫЛАТ:

1. Кара-Ой ѳкмөтүнүн муниципалдык кызматкерлери Кыргыз Республикасынын Эмгек кодексинде белгиленген 8 сааттан ашык иштегендиктери үчүн, ошондой эле коммуналдык чыгымдардын, анын ичинен электр энергияга болгон төлөмдөрдүн кымбаттагандыгына байланыштуу, социалдык жактан колдоо максатында, кызмат акыларына кошумча 30 % өлчөмүндө акча-каражаты кошулсун. (тиркеме тиркелет)

2. Жыл ичинде акча-каражаттын сарпталышы бекитилген бюджет боюнча жүргүзүлсүн.

3. Токтомдун аткарылышы Кара-Ой айыл ѳкмөтүнүн башчысы К. Тюлегеновго жана ФЭБнун башчысы А. Жайнаковага милдеттендирилсин.

4. Токтомду көзөмөлгө алуу жагы «Бюджет, финансы, экономика, инвестиция тартуу жана орто чакан бизнести өнүктүрүү боюнча» туруктуу комиссиясына тапшырылсын.