ТОКМОК ШААРДЫК КЕӉЕШИ

ТОКТОМ

Токмок шаардык кеңешинин чакырылышынын сессиясы III

2015-жылдын 14-майы № 164/20-3

Токмок ш. Курулуш жана жер пайдалануу эрежелеринин 25-беренесине өзгөртүүлөрдү киргизүү жөнүндө

Токмок ш. ММБнын башкаруучусунун 12.02.2015-ж. чыг. № 318 өтүнүч катын, Курулуш жана жер пайдалануу боюнча комиссиянын жер тилкесинин зоналдык категориясын которуу жөнүндөгү 2015-жылдын 12-февралындагы № 4 протоколунун көчүрмөсүн  карап жана талкуулап чыгып жана ишкердикти өнүктүрүү, чакан жана орто бизнес, муниципалдык менчикке көзөмөл  боюнча туруктуу депутаттык комиссиясынын 2015-жылдын 7-майындагы протоколуна ылайык, Кыргыз Республикасынын “Жергиликтүү өз алдынча башкаруу жөнүндө”, “Жергиликтүү кеңештердин депутаттарынын статусу жөнүндө” мыйзамдарын жетекчиликке алуу менен, Токмок шаардык кеңеши

ТОКТОМ КЫЛАТ:

1. Токмок ш. Курулуш жана жер пайдалануу эрежелеринин 25-беренесине төмөнкү өзгөртүү киргизилсин:

- Токмок ш. Гагарин көчөсү 75 дарегинде жайгашкан, Г. Сеитованын жеке менчигиндеги 595 ч.м. жер тилкесин П-1 зонасынан (өнөр жай ишканалары зонасы) Ц-1 (шаардын борбору зонасы) зонасына дүкөн жана кафе куруу үчүн которулсун.

2. Бул токтомдун аткарылышын көзөмөлгө алуу, ишкердикти өнүктүрүү, чакан жана орто бизнес, муниципалдык менчикке көзөмөл  боюнча туруктуу депутаттык комиссиясына жүктөлсүн.