С.ЮСУПОВА АЙЫЛДЫК КЕӉЕШИ

ТОКТОМ

С.Юсупова айылдык кеңешинин 4-чакырылышынын 23-сессиясы

2016-жылдын 21-июну № 23-8

Көчүбаев айылынын Пахтачы көчөсүнүн тургуну Абдуллаев Акилбек Абдухоликовичтин С. Юсупова айыл өкмөтүнүн 19.11.2015-жылдагы №85-чечиминин негизинде мөөнөттүү пайдалануу үчүн алган 1030 м2 жер тилкесин жеке менчикке сатып алууга макулдук сурап жазган арызын кароо жөнүндө

Көчүбаев айылынын Пахтачы көчөсүнүн тургуну Абдуллаев Акилбек Абдухоликовичтин С. Юсупова айыл өкмөтүнүн 19.11.2015-жылдагы №85-чечиминин негизинде мөөнөттүү пайдалануу үчүн алган 1030 м2 жер тилкесин жеке менчикке сатып алууга макулдук сурап жазган арызын карап чыгып, депутаттардын сунуш-пикирлерин эске алуу менен Кыргыз Республикасынын Жер Кодексин 25-беренесин жетекчиликке алып, С. Юсупова айылдык Кеңеши

ТОКТОМ КЫЛАТ:

1. С. Юсупова айыл өкмөтүнүн Канал участкасындагы аэродромдун алдындагы 1030 м2 жер тилкеси айыл өкмөтүнүн муниципалдык менчиги катары катталсын.

2. Канал участкасындагы аэродромдун алдындагы 1030 м2 жер тилкеси айыл өкмөтүнүн архитектуралык-пландаштыруу, курулуш, экологиялык, санитардык-гигиеналык, өрткө каршы жана башка атайын талаптарды (ченемдерди, эрежелерди, нормативдерди) сактоо менен, белгиленген тартипте жер участогунун максаттуу багытына каршы келбеген учурда аукцион өткөрүү жеке менчикке сатууга макулдук берилсин.

3. Аталган жерди жеке менчикке сатуу маселеси С.Юсупова айыл Өкмөтүнүн муниципалдык менчикте турган жер участокторуна менчик же ижара укугун берүүнүн тартиби жана шарттарын жөнгө салуу боюнча түзүлгөн комиссиянын кароосунда каралып, Кыргыз Республикасынын жер мыйзамдарынын талаптарына каршы келген учурда комиссиянын сунушу менен бул токтомду аткаруудан баш тартуу мүмкүн экендиги белгиленсин.

4. Токтомдун аткарылышын көзөмөлгө алуу жагы айылдык кеңештин жер, турак-жай жана муниципалдык менчик маселелери боюнча туруктуу комиссиясына жүктөлсүн.