КАШКАР-КЫШТАК АЙЫЛДЫК КЕҢЕШИ

ТОКТОМ

Кашкар-Кыштак айылдык Кеңешинин кезектеги IV сессиясы (алтынчы шайланган)

2017-жылдын 31-январы №2

Айыл өкмөтүнүн башчысын шайлоо жөнүндө

Кашкар-Кыштак айылдык кеңешинин депутаттары Кара-Суу райондук аймактык шайлоо комиссиясынын добуштарды эсептөө боюнча жыйынтыгын талкуулап жана Кыргыз Республикасынын «Жергиликтүү өз алдынча башкаруу жөнүндөгү» мыйзамынын 49-беренесинин талаптарына ылайык жана Кара-Суу райондук аймактык шайлоо комиссиясынын 2017-жылдын 31-январындагы “Кашкар-Кыштак жергиликтүү өз алдынча башкаруу органынын башчысын шайлоодо шайлоонун натыйжалары жөнүндөгү” № 2 протоколунун негизинде Кашкар-Кыштак айылдык кеңеши,

ТОКТОМ КЫЛАТ:

1. Кыргыз Республикасынын «Жергиликтүү өз алдынча башкаруу жөнүндөгү» мыйзамынын 49-беренесинин талаптарына ылайык айыл өкмөтүнүн башчысы кызмат ордуна талапкерлерди шайлоо боюнча Кара-Суу райондук аймактык шайлоо комиссиясынын добуштарды эсептөө боюнча протоколдору бекитилсин.

2. Кыргыз Республикасынын «Жергиликтүү өз алдынча башкаруу жөнүндөгү» мыйзамынын 49-беренесинин талаптарына ылайык Кара-Суу райондук аймактык шайлоо комиссиясынын 2017-жылдын 31-январындагы “Кашкар-Кыштак жергиликтүү өз алдынча башкаруу органынын башчысын шайлоодо шайлоонун натыйжалары жөнүндөгү” № 2 протоколунун негизинде айыл өкмөтүнүн башчысы кызмат ордуна Акунбеков Абдикамилжан Батирович шайланды деп эсептелсин.

3. Шайлоонун натыйжалары жөнүндөгү протоколдун 1 нускасы Борбордук шайлоо комиссиясына БШКнын сайтына жайгаштыруу үчүн, экинчи нускасы Кыргыз Республикасынын Премьер-Министрине жөнөтүлсүн жана көчүрмөлөрү айылдык кеңешке, добуш берүүчү жайдагы бардык катышуучуларга алардын талаптары боюнча берилсин.