КЫЗЫЛ-ӨЗГӨРҮШ АЙЫЛДЫК КЕҢЕШИ

ТОКТОМ

Кызыл-Өзгөрүш айылдык Кеңешинин кезектүү VI сессиясы (VII чакырылыш)

2017-жылдын 13-апрели №20

Кызыл-Өзгөрүш айыл аймагына караштуу 12449,5га жер аянтында жер байлыктарын аныктоо боюнча геологиялык изилдөө иштерин жүргүзүүгө макулдук берүү маселесин карап чыгып жана талкуулап Кыргыз Республикасынын Жер кодексинин 28-3 беренесинин, Кыргыз Республикасынын Өкмөтүнүн 1-апрель 2006-жылдагы №261 токтомунун жана ОсОО “КИРЕКС ОФ МИНЕРАЛС” ишканасына берилген №5149 АП лицензиясынын негизинде

Кызыл-Өзгөрүш айылдык Кеңешинин VII чакырылышынын кезектүү VI- сессиясы

ТОКТОМ КЫЛАТ:

1. ОсОО “КИРЕКС ОФ МИНЕРАЛС” ишканасына Кызыл-Өзгөрүш айыл аймагына караштуу 12449,5га жер аянтында жер байлыктарын аныктоо боюнча геологиялык изилдөө иштерин жүргүзүүгө макулдук берилсин.

2. Жер байлыктарын аныктоо боюнча геологиялык изилдөө иштери мыйзам чегинде жүргүзүлүшүн камсыз кылуу жагы Кызыл-Өзгөрүш айыл өкмөтүнө тапшырылсын.

3. Бул токтомдун аткарылышын көзөмөлдөө жагы айылдык Кеңештин Курулуш, архитектура,энергетика,транспорт жана экология боюнча комиссиясына тапшырылсын.

4. Бул токтом www.kyzyl-ozqorush.kg сайтына жарыяланган күндөн тартып мыйзамдуу күчүнө кирет.

5. Токтом мамлекеттик тилде гана кабыл алынды.