КЫРГЫЗ РЕСПУБЛИКАСЫНЫН УЛУТТУК БАНКЫ

ТОКТОМ

2009-жылдын 23-декабры № 50/2

Банктар аралык валюта рыногунда Кыргыз Республикасынын Улуттук банкынын соода-маалымат электрондук системасы

аркылуу тооруктарды өткөрүү эрежелери жөнүндө

Кыргыз Республикасынын "Кыргыз Республикасынын Улуттук банкы жөнүндө" Мыйзамынын 4- жана 43-статьяларына ылайык, Кыргыз Республикасынын Улуттук банк Башкармасы токтом кылат:

1. Банктар аралык валюта рыногунда Кыргыз Республикасынын Улуттук банкынын соода-маалымат электрондук системасы аркылуу тооруктарды өткөрүү эрежелери (кошо тиркелет) бекитилсин.

2. Банктар аралык валюта рыногунда Улуттук банк Башкармасынын 1998-жылдын 23-июнундагы № 15/2 токтому менен бекитилген Улуттук банктын соода-маалымат электрондук системасы аркылуу иш алып баруунун убактылуу тартиби күчүн жоготту деп таанылсын.

3. Токтом 2010-жылдын 1-мартынан тартып күчүнө кирет.

4. Тоорук өткөрүүнүн ушул эрежелеринин шарттарына жооп бербеген коммерциялык банктар 2010-жылдын 1-мартынан тартып Улуттук банкынын соода-маалымат электрондук системасынан автоматтык түрдө чыгарылат.

5. Юридикалык бөлүм бул токтомду расмий жарыялангандан кийин, Кыргыз Республикасынын ченемдик укуктук актыларынын мамлекеттик реестринде чагылдырылышы үчүн Кыргыз Республикасынын Адилет министрлигине жөнөтсүн.

6. Акча-кредиттик операциялар башкармалыгы ушул токтом менен коммерциялык банктарды тааныштырсын.

7. Ушул токтомдун аткарылышына контролдук Кыргыз Республикасынын Улуттук банкынын Төрагасынын орун басары Абдыбалы тегин Суеркул мырзага жүктөлсүн.