КЫРГЫЗ РЕСПУБЛИКАСЫНЫН ӨКМӨТҮНҮН ЖАНА

КЫРГЫЗ РЕСПУБЛИКАСЫНЫН УЛУТТУК БАНКЫНЫН

БУЙРУГУ

 2011-жылдын 17-октябры № 489/б/54-о

Кыргыз Республикасынын Улуттук банкы тарабынан өлкөдөгү алтын өндүрүүчү-ишканалардан, анын ичинде "Кыргызалтын" ачык акционердик коомунан сатып алынган алтынга салык салуу маселесин, ошондой эле Кыргыз Республикасынын Улуттук банкы тарабынан алып келинген/алып чыгарылган алтынга карата бажы жол-жоболорун колдонуу маселесин иштеп чыгуу максатында:

1. Төмөнкү курамдагы ведомстволор аралык комиссия түзүлсүн:

Чокоев З.Л. - Кыргыз Республикасынын Улуттук банкынын төрагасынын орун басары;

Касымалиев А.А. - Кыргыз Республикасынын экономикалык жөнгө салуу министринин орун басары;

Байгончоков М.К. - Кыргыз Республикасынын финансы министринин орун басары;

Максутов Н.Б. - Кыргыз Республикасынын Өкмөтүнө караштуу Мамлекеттик салык кызматынын төрагасынын орун басары;

Малабеков З.Т. - Кыргыз Республикасынын Өкмөтүнө караштуу Мамлекеттик бажы кызматынын төрагасынын биринчи орун басары;

Жапаров Д.С. - "Кыргызалтын" ачык акционердик коомунун башкармалыгынын төрагасынын орун басары (макулдашуу боюнча).

2. Ведомстволор аралык комиссия төмөнкүлөр жөнүндө маселелерди иштеп чыксын:

- Кыргыз Республикасынын Улуттук банкы тарабынан өлкөдөгү алтын өндүрүүчү-ишканалардан, анын ичинде "Кыргызалтын" ачык акционердик коомунан сатып алынган алтынга салык салуу;

- Кыргыз Республикасынын Улуттук банкы тарабынан алып келинген/алып чыгарылган алтынга карата бажы жол-жоболорун колдонуу.

3. Ведомстволор аралык комиссиянын ишин уюштуруу, методикалык жана башка камсыз кылуу Кыргыз Республикасынын Улуттук банкына жүктөлсүн.

4. Бул буйруктун аткарылышын контролдоо Кыргыз Республикасынын Улуттук банкына жүктөлсүн.