КЫРГЫЗ РЕСПУБЛИКАСЫНЫН ӨКМӨТҮ
ТОКТОМ
1995-жылдын 13-январы N 12
Аскер кызматкерлерине, ички иштер маселелерин тейлеген ыйгарым укуктуу мамлекеттик органынын, Мамлекеттик өрткө каршы кызматынын, финансы полициясы органдарынын, атайын байланыш кызматынын жазык-аткаруу системасынын, баңги заттарды контролдоо боюнча органдын катардагы жана жетекчилик курамындагы адамдарга, алардын үй-бүлөсүнө иштеген жылдарын эсептөөнүн, пенсия, пособие дайындоонун жана төлөөнүн тартиби жөнүндө Жобону бекитүү тууралуу
(КР Өкмөтүнүн 1998-жылдын 1-декабрындагы № 779, 2000-жылдын 20-январындагы № 36, 2002-жылдын 20-августундагы № 572, 2003-жылдын 11-мартындагы № 113, 2004-жылдын 13-июлундагы № 528, 2005-жылдын 16-июлундагы № 296, 2005-жылдын 9-декабрындагы № 568, 2005-жылдын 21-декабрындагы № 599, 2006-жылдын 20-январындагы № 32, 2006-жылдын 23-октябрындагы № 745, 2007-жылдын 11-майындагы № 171,2008-жылдын 14-июлундагы № 376, 2011-жылдын 13-июнундагы № 305, 2012-жылдын 12-январындагы № 23, 2016-жылдын 27-апрелиндеги № 217, 2016-жылдын 15-июнундагы № 322 токтомдорунун редакцияларына ылайык)
Кыргыз Республикасынын 1993-жылдын 7-майындагы "Аскер кызматындагыларды пенсия менен камсыз кылуу жөнүндө" Мыйзамына ылайык Кыргыз Республикасынын Өкмөтү
ТОКТОМ КЫЛАТ:
1. Аскер кызматкерлерине, ички иштер маселелерин тейлеген ыйгарым укуктуу мамлекеттик органынын, Мамлекеттик өрткө каршы кызматынын, финансы полициясы органдарынын, атайын байланыш кызматынын, жазык-аткаруу системасынын, баңги заттарды контролдоо боюнча органдын катардагы жана жетекчилик курамындагы адамдарга, алардын үй-бүлөсүнө иштеген жылдарын эсептөөнүн, пенсия, пособие дайындоонун жана төлөөнүн тартиби жөнүндөгү Жобо бекитилсин (тиркелет).
(КР Өкмөтүнүн 2005-жылдын 9-декабрындагы № 568, 2006-жылдын 23-октябрындагы № 745, 2012-жылдын 12-январындагы № 23, 2016-жылдын 15-июнундагы № 322 токтомдорунун редакцияларына ылайык)
2. Кыргыз Республикасынын Коргоо иштери боюнча мамлекеттик комитетине Кыргыз Республикасынын Ички иштер министрлиги, Кыргыз Республикасынын улуттук коопсуздук министрлиги жана Кыргыз Республикасынын Юстиция министрлиги менен макулдашуу боюнча 1995-жылдын 1-майына чейин аскер кызматкерлерине, ички иштер органдарынын, финансы полициясы органдарынын, атайын байланыш кызматынын, жазык-аткаруу системасынын, баңги заттарды контролдоо боюнча органдарынын катардагы жана жетекчилик курамындагы адамдарга, алардын үй-бүлөсүнө жеңилдетилген шартта пенсия чектөө үчүн иштеген жылдарын эсептөөгө, укук берген кызмат өтөөнүн Кыргыз Республикасындагы жерлердин тизмесин аныктасын.
(КР Өкмөтүнүн 2005-жылдын 9-декабрындагы № 568, 2016-жылдын 27-апрелиндеги № 217 токтомдорунун редакцияларына ылайык)
3. Кыргыз Республикасынын Коргоо иштери боюнча мамлекеттик комитети, Кыргыз Республикасынын Ички иштер министрлиги, Кыргыз Республикасынын Юстиция министрлигинин, Кыргыз Республикасынын Баңгизаттарга контролдук кылуу боюнча агентствосу, Кыргыз Республикасынын Өкмөтүнө караштуу Финансылык полиция мамлекеттик кызматы, Кыргыз Республикасынын Транспорт жана коммуникациялар министрлигинин атайын байланыш кызматы, Кыргыз Республикасынын улуттук коопсуздук министрлиги, Кыргыз Республикасынын Улуттук гвардиясы, Кыргыз Республикасынын Мамлекеттик сакчылык кызматы өзүлөрүнүн ведомстволук нормативдик актыларын Кыргыз Республикасынын "Аскер кызматындагыларды пенсия менен камсыз кылуу жөнүндө" Мыйзамына жана ушул Жобого ылайык келтиришсин.
(КР Өкмөтүнүн 2003-жылдын 11-мартындагы № 113, 2004-жылдын 13-июлундагы № 528, 2005-жылдын 16-июлундагы № 296, 2005-жылдын 9-декабрындагы № 568, 2005-жылдын 21-декабрындагы № 599, 2006-жылдын 20-январындагы № 32, 2007-жылдын 11-майындагы № 171, 2008-жылдын 14-июлундагы № 376, 2011-жылдын 13-июнундагы № 305, 2016-жылдын 27-апрелиндеги № 217 токтомдорунун редакцияларына ылайык)
Премьер-министр | А. Жумагулов |