ТОКМОК ШААРДЫК КЕӉЕШИ

ТОКТОМ

Токмок шаардык кеңешинин IV чакырылышынын кезектеги VII сессиясы

2016-жылдын 17-ноябры № 26/7-4

Токмок ш. Курулуш жана жер пайдалануу эрежелеринин 25-беренесине өзгөртүүлөрдү киргизүү жөнүндө

Токмок ш. тургуну К.Самайбековдун 22.06.2016-ж.кириш № 114/1/02-12 арызын, Курулуш жана жер пайдалануу боюнча комиссиянын жер тилкесинин зоналдык категориясын которуу жөнүндөгү 2015-жылдын 09-июлундагы № 17 протоколунун көчүрмөсүн карап жана талкуулап чыгып жана ишкердикти өнүктүрүү, чакан жана орто бизнес, муниципалдык менчикке көзөмөл боюнча туруктуу депутаттык комиссиясынын 2016-жылдын 28-сентябрындагы протоколуна ылайык, Кыргыз Республикасынын “Жергиликтүү өз алдынча башкаруу жөнүндө”, “Жергиликтүү Кеңештердин депутаттарынын статусу жөнүндө” мыйзамдарын жетекчиликке алуу менен,

ТОКТОМ КЫЛАТ:

1. Токмок ш. Курулуш жана жер пайдалануу эрежелеринин 25-беренесине төмөнкү өзгөртүү киргизилсин:

-Токмок ш. Северная-Неделина көчөлөрүнүн кесилишинде жайгашкан, К.Самайбековдун жеке менчигиндеги 4915 ч.м. жер тилкесин К-1 зонасынан (коммуналдык ишканалар, транспорт, кампага топтоо жана майда өндүрүш зонасы) Ж-2 зонасына (аралашкан турак жай зонасы) турак үй куруу үчүн которулсун.

2. Бул токтомдун аткарылышын көзөмөлгө алуу, ишкердикти өнүктүрүү, чакан жана орто бизнес, муниципалдык менчикке көзөмөл боюнча туруктуу депутаттык комиссиясына жүктөлсүн.