КЫРГЫЗ-АТА АЙЫЛДЫК КЕӉЕШИ

ТОКТОМ

Ноокат районундагы Кыргыз-Ата айылдык Кеӊешинин V шайланган кезектеги XXV сессиясы

2016-жылдын 9-июлу № 25-5

Кыргыз-Ата айыл аймагындагы элдин талаада эккен эгиндерине түшкөн, айдоолорду майкандаган жана бак дарактарга зыян келтирген мал жандыктарынын ээлерине “айып пул” салуу жөнүндө

Кыргыз-Ата айыл аймагындагыэлдердин талаада эккен эгиндерине түшкөн, айдоолорду майкандаган жана бак дарактарга зыян келтирген мал жандыктарынын ээлерине чара көрүп берүү жөнүндөгү арызын канааттандыруу максатындаКыргыз Республикасынын “Жер Кодекси” Мыйзамынын 185-беренесине, администрациялык жоопкерчилик жөнүндөгү 2011-жылдын 21-декабрындагы № 245 Мыйзамынын редакциясына, “Жергиликтүү өз алдынча башкаруу жөнүндөгү” Мыйзамынын 20-беренесине таянып Кыргыз-Ата айылдык Кеӊеши

ТОКТОМ КЫЛАТ

1.    Кыргыз-Ата айыл аймагындагыэлдердин талаада эккен эгиндерине түшкөн, айдоолорду майкандаган жана бак дарактарга зыян келтирген мал жандыктарынын жана ошондой эле техникалык каражаттардын ээлерине Кыргыз Республикасынын администрациялык жоопкерчилик жөнүндөгү 2011-жылдын 21-декабрындагы № 245- Мыйзамына ылайык чара көрүлсүн.

2.    Менчик ээлеринин эгиндерине зыян келтиртбөө, зыян келген учурда келтирилген зыяндарды аныктоо, өндүрүү боюнча иш чараларды аткаруу айыл өкмөтүнө милдеттендирилсин.

3.    Токтомдун аткарылышын көзөмөлдөө айылдык кенешинин агрардык маселелер, жер, муниципалдык менчик, жайыттарды пайдалануу, өзгөчө кырдаалдардын алдын алуу, жаратылышты коргоо жана экология комиссиясына милдеттендирилсин.