ГүЛЧө АЙЫЛДЫК КЕӉЕШИ
ТОКТОМ
Гүлчө айыл Кеӊешинин VI чакырылышынын кезектеги XVI отуруму
2018-жылдын 23-январы № 16/6
Кыргыз Республикасынын Өкмөтүнүн 2005-жылдын 5-майында чыккан №177 токтомуна ылайык Гүлчө айыл өкмөтүнүн алдында комиссиянын курамын бекитүү жөнүндө
Гүлчө айылдык Кеңешинин 6-чакырылышынын 16-отуруму Гүлчө айыл өкмөтүнүн жер боюнча башкы адиси Какаров Рустамдын билдирүүсүн угуп жана талкуулап Кыргыз Республикасынын «Жергиликтүү өз алдынча башкаруу жөнүндөгү» Мыйзамынын 31-беренесинин 2-пунктунун негизинде Гүлчө айылдык Кеңешинин отуруму
ТОКТОМ КЫЛАТ
1. Гүлчө айыл өкмөтүнүн жер боюнча башкы адиси Какаров Рустамдын билдирүүсү эске алынсын.
2. Кыргыз Республикасынын Өкмөтүнүн 06.05.2005-жылы чыккан №177 токтомуна ылайык түзүлгөн Гүлчө айыл өкмөтүнүн алдындагы калктуу конуштардагы бош жаткан жер участокторуна жеке менчик турак үй куруу үчүн жер участокторун берүүнүн тартиби боюнча төмөндөгүдөй комиссиянын курамы бекитилсин:
1. Каришов Султанбек - Гүлчө айыл өкмөтүнүн башчысынын орун басары, комиссиянын төрагасы.
2. Какаров Рустам – Гүлчө айыл өкмөтүнүн жер боюнча башкы адиси, комиссиянын катчысы.
3. Жээнбеков Дамир – айылдык Кеңештин депутаты, комиссиянын мүчөсү.(макулдашуу менен).
4. Алтыбаев Талант - айылдык Кеңештин депутаты, комиссиянын мүчөсү. (макулдашуу менен).
5. Мусаева Мээрим – айыл өкмөтүнүн финансы-экономика бөлүмүнүн башчысынын орун басары, комиссиянын мүчөсү.
6. Исакулов Эркин – Алай райондук шаар курулушу жана архитектура боюнча башкармалыгынын башкы адиси, комиссиянын мүчөсү.
7. Сыдыков О – Алай райондук жер кадастры жана кыймылсыз мүлккө укуктарды каттоо башкармалыгынын адиси, комиссиянын мүчөсү.
3. Ушул токтомдун аткарылышын көзөмөлгө алуу жагы Гүлчө айыл өкмөтүнүн башчысы Болбур уулу Алтынбекке жүктөлсүн.
Төрага К.Исмаилов