КАРАКОЛ ШААРДЫК КЕӉЕШИ

ТОКТОМ

2016-жылдын 29-декабры № 27-12/8

«№7 орто мектебинин терезелерин алмаштыруу жана чатырын оңдоо» долбоору боюнча боюнча дем берүүчү грантты каржылашууга акча каражатын бөлүп берүү жөнүндө

Каракол шаардык финансы бөлүмүнүн башчысы Г.С.Толумбекованын, 2016-жылдын 20-декабрындагы, кир.№01-7/641 катын, карап жана талкуулап, экономика, бюджет, соода, өнөр жай, инвестициялар жана ишкердүүлүктү колдоо боюнча туруктуу комиссияcынын корутундусун эске алуу менен, Каракол шаардык депутаттар Кеңешинин XXVII чакырылышынын XII сессиясы,

ТОКТОМ КЫЛАТ:

1. Каракол шаардык финансы бөлүмү (Г.С.Толумбекова), 2017-жылдын бюджетинде 893 303 (сегиз жүз токсон үч миң үч жүз үч) сом өлчөмүндөгү акча каражатын карап, сметалык баасы 2 977 677 (эки миллион тогуз жүз жетимиш жети миң алты жүз жетимиш жети) сомду түзгөн, «№7 орто мектебинин терезелерин алмаштыруу жана чатырын оңдоо» долбоору боюнча дем берүүчү грантты 30 % каржылашуу үчүн, бөлүп берсин.

2. Бул токтом Мамлекеттик ченемдик укуктук актыларынын реестрине киргизүү үчүн областтык юстиция башкармалыгына жиберилсин.

3. Токтом ММКларда жарыялансын.

4. Токтомдун аткарылышына көзөмөл жүргүзүү, Каракол шаардык депутаттар Кеңешинин экономика, бюджет, соода, өнөр жай, инвестициялар жана ишкердүүлүктү колдоо боюнча туруктуу комиссиясына (Н.А.Баратова) жана Каракол шаарынын биринчи вице-мэри А.Ж.Каниметовго жүктөлсүн.