КОЧКОР-АТА ШААРДЫК КЕӉЕШИ

ТОКТОМ

XXVII чакырылышынын кезектеги IX сессиясы

2018-жылдын 12-февралы № 01-5/ 73

Кочкор-Ата шаардык санитардык тазалоо, жашылдандыруу жана көрктөндүрүү муниципалдык ишканасынын 2017-жыл аралыгында аткарган иштеринин отчётун угуу жөнүндө

Кочкор-Ата шаардык Кеңешинин XXVII чакырылышынын кезектеги IX сессиясы, Кочкор-Ата шаардык санитардык тазалоо, жашылдандыруу жана көрктөндүрүү муниципалдык ишканасынын 2017-жыл аралыгында аткарган иштеринин отчётун угуп жана талкуулап, Кыргыз Республикасынын Бюджеттик кодексинин жана Жергиликтүү өз алдынча башкаруу жөнүндө Мыйзамын жетекчиликке алып

ТОКТОМ КЫЛАТ:

1. Кочкор-Ата шаардык санитардык тазалоо, жашылдандыруу жана көрктөндүрүү муниципалдык ишканасынын 2017-жыл аралыгында аткарган иштеринин отчёту «канааттандырарлык» деп табылсын.

Шаардык санитардык тазалоо, жашылдандыруу жана көрктөндүрүү муниципалдык ишканасынын директору Э.Маматовго

- төлөмдөрдөн түшкөн акча каражаттын кирешесин көбөйтүүнүн планын иштеп чыгууну;

- Кыргыз Республикасынын мыйзамына ылайык сапаттуу кызматтарды алуу, бюджеттик каражаттарды үнөмдөө;

- шаардын көчөлөрүнө бак-дарактардын жана гүлдөрдүн көчөттөрүн отургузууну, сейил бактарын, жээк жолдорун, көчөлөрдү жашылдандыруу боюнча иштерди 2018-жыл аралыгында жүргүзүүнү;

- таштандыларды көчөлөрдү кыдырып ташып чыгаруу боюнча графигин түзүп шаар тургундарына жарыя кылууну;

- таштандыларды ташып чыгарууда абоненттер менен иштөөнүн сапатын жогорулатууну;

- Коммерциялык багыттагы соода-сатык иштерин жүргүзгөн жеке секторлорго жана юридикалык жактарга таштандыларды ташып чыгаруу боюнча тарифин көтөрүү чараларын көрүүнү.

2. Токтомдун аткарылышын камсыз кылууну Кочкор-Ата шаардык санитардык тазалоо, жашылдандыруу жана көрктөндүрүү муниципалдык ишканасынын жетекчисине милдеттендирилсин.

3. Токтомдун аткарылышын көзөмөлдөөнү өзүмө калтырам.