КЫЗЫЛ-ТУУ АЙЫЛДЫК КЕҢЕШИ

ТОКТОМ

 кезектеги төртүнчү сессиясы

2017-жылдын 15-декабры № 4-6

Кызыл-Туу айыл өкмөтүнүн Кызыл-Сеңир айылынын Көк-Булак участкасынан 21 га жер аянтын турак-жай курууга берүү жөнүндө

(Кызыл-Туу айылдык кеңешинин 2020-жылдын 28-январындагы № 17-1 токтомунун редакциясына ылайык)

Кызыл-Туу айыл ѳкмѳтүнүн тургундарынын турак-жай курууга жер ажыратып берүү жөнүндөгү арызын, айыл өкмөттүн сунушун угуп жана талкуулап, жаш үй бүлөлөргө турак-жай курууга жер ажыратып берүү жөнүндөгү 20.02.2007-жылдагы Кызыл-Туу айылдык кеңешинин № 39 токтомун, Сузак райондук кеңешинин 07.05.2007-жыл 6-сессиясынын № 8 токтомун эске алып, Кызыл-Туу айылдык кеңешинин сессиясы

ТОКТОМ КЫЛАТ:

1. Кызыл-Туу айыл ѳкмѳтүнүн тургундарынын турак жай куруу үчүн Талаа-Булак айылынын Көк-Булак участкасынын күн батыш тарабынан 21 га турак жай курууга жер аянтын ажыратып берүү жөнүндөгү арыздары колдоого алынсын.

2. Мыйзам негизинде жерди изилдеп, тактап Сузак райондук архитектура жана шаар куруу башкармасынан корутунду алуу, жер тандоо актысын жүргүзүү, тийиштүү иш кагаздарын даярдоо жагы айыл өкмөттүн жерге жайгаштыруу жана жер комиссиясына тапшырылсын.

3. Токтомдун аткарылышын колго алып, келишим түзүү жагы айыл өкмөт башчысы М.Калмаматовго милдеттендирилсин.

4. Бул токтом Кызыл-Туу айыл өкмөтүнүн www.kyzyl-tuu.my1.ru расмий сайтына жарыяланган күндөн баштап күчүнө кирет.