М.АБДЫЛДАЕВ АЙЫЛДЫК КЕӉЕШИ

ТОКТОМ

VII чакырылышынын 6 сессиясы

2017-жылдын 04- августу № 25

 ”Тальвег” жоопкерчилиги чектелген коомуна геологиялык изилдөө жана кен казуу иштерин жүргүзүүгө макулдук берүү жөнүндө

”Тальвег” жоопкерчилиги чектелген коомуна геологиялык изилдөө жана кен казуу иштерин жүргүзүүгө макулдук берүү боюнча Чолпон-Ата айыл өкмөтүнүн 2017-жылдын 4-августундагы №6 27-07-2017-жылдагы өтүнүч катын карап жана талкуулап чыгып, М.Абдылдаев айылдык Кеңешинин VII-чакырылышынын кезексиз 6-сессиясы

ТОКТОМ КЫЛАТ:

1. “Тальвег” ЖЧКсына Чолпон-Ата айыл аймагынын Узун-Акмат участкасынан кен казуу иштерин жүргүзүүгө карата Кара-Күнгөй, Ак-Тектир, Чолпон-Ата, Мазар-Суу, Кушчу-Суу жана Балыкты айылдарынын тургундарынын айылдык кеңешке кайрылган нааразычылык билдирүүлөрү эске алынсын.

2. “Тальвег” ЖЧКсы Чолпон-Ата айыл аймагынын Узун-Акмат участкасынан кен казуу иштерин жүргүзүүгө өз учурунда жеткиликтүү маалыматтарды жеткизбегендигинен жергиликтүү калктын нааразычылыгы күчөгөндүгүнө байланыштуу кен иштетүү иштери токтотулсун.

3. Сессиянын токтомунун аткарылышы жана .“Тальвег” ЖЧКсына билдирүү жагы Чолпон-Ата айыл өкмөтүнүн башчысы А.Мамбетовго жүктөлсүн.

4. Токтомдун аткарылышын көзөмөлдөөнү өзүмө калтырам.

1. Бул токтом www.Cholponata.org/page сайтына жарыяланган күндөн тартып мыйзамдуу күчүнө кирет.

2. Токтом мамлекеттик тилде кабыл алынды.