ЧОЛПОН-АТА ШААРДЫК КЕӉЕШИ

ТОКТОМ

2016-жылдын 28-ноябры № 28/34-2

Чолпон-Ата шаардык кеңешинин XXVIII чакырылышынын XXXIV кезексиз сессиясы

Чолпон-Ата шаардык кеңешинин 30-июнь 2016-жылдагы №28ө30-5 токтомуна кошумчаларды, өзгөртүүлөрдү киргизүү жөнүндө

Чолпон-Ата шаардык кеңешине келип түшкөн арыздарды карап чыгып, шаардык кеңештин «Экология, көрктөндүрүү, жашылдандыруу, жер, турак-жай, курулуш жана жеке ишкер боюнча» туруктуу комиссиясынын 2016-жыл 1-ноябрдагы отурумунун бүтүмүнүн негизинде Чолпон-Ата шаардык кеңеши

ТОКТОМ КЫЛАТ:

1. Токтомдун 1-пункту төмөндөгүдөй редакцияда баяндалсын: Чолпон-Ата шаар тургундарынын жеке менчик жерлеринин өздөрү ашыкча колдонуп, пайдаланып жүргөн жер тилкелери кезекте турган үй-бүлөө мүчөлөрүнө турак жай салуу үчүн, тиешелүү мамлекеттик органдардын оң корутундусунан кийин кезексиз бөлүп берүүгө уруксат берилсин.

2. Токтомдун 2-пунктундагы кээ бир сөздөр төмөндөгү сөздөр менен алмаштырылсын:

 “ жеке менчик жерлерине чектеш” деген сөздөрдүн ордуна “өздөрү ашыкча колдонуп жүргөн”.

3. Токтом төмөндөгүдөй мазмундагы 3-пункт менен толукталсын:

 Чолпон-Ата шаарынын мэриясына жер тилкелерин берүүдө Кыргыз Республикасынын өкмөтүнүн 2005-жыл 6-майдагы №177, 2011-жыл 23-сентябрдагы №571 токтомдоруна таянып иш алып баруусу тапшырылсын.

4.Токтомдун 4-пункту төмөндөгүдөй редакцияда окулсун:

 Ушул токтомду каттоо жагы Мамлекеттик укуктук актыларынын реестрине киргизүү үчүн областтык Юстиция башкармалыгына Чолпон-Ата шаардык кеңештин 29.07.2016-жылдын №28ө31-4 токтомунун негизинде мамлекеттик тилде жиберилсин ММКда жарыялансын.

 төртүнчү пункт катары менен бешинчи болуп эсептелсин.