САРЫ-БУЛАК АЙЫЛДЫК КЕӉЕШИ

ТОКТОМ

Депутаттардын V чакырылышынын Сары-Булак айыл аймагынын айылдык Кеңешинин кезексиз XXV сессиясы

2016-жылдын 8-ноябры №25/158

Кыргыз Республикасынын юстиция министрлигинин Нарын облустук юстиция башкармалыгы менен түзүлгөн типтүү келишимди бекитүү жөнүндө

Кыргыз Республикасынын «Жергиликтүү өз алдынча башкаруу органдарына айрым мамлекеттик ыйгарым укуктарды берүүнүн тартиби жөнүндө» 2013-жылдын 9-июлундагы № 127 мыйзамынын жана Кыргыз Республикасынын Өкмөтүнүн 2014-жылдын 17-мартындагы № 145 токтому менен бекитилген Кыргыз Республикасынын юстиция министрлигинин Нарын облустук юстиция башкармалыгы боюнча жергиликтүү өз алдынча башкаруу органдарына айрым мамлекеттик ыйгарым укуктарды берүү жөнүндө типтүү келишимди бекитүү жөнүндө Кыргыз Республикасынын «Жергиликтүү өз алдынча башкаруу жөнүндө» мыйзамынын 20-беренесинин 2-3-бөлүктөрүнө ылайык Сары-Булак айыл аймагынын айылдык Кеңеши

ТОКТОМ КЫЛАТ:

1. Кыргыз Республикасынын юстиция министрлигинин Нарын облустук юстиция башкармалыгы менен Сары-Булак айыл аймагынын айыл өкмөтүнүн ортосунда түзүлгөн эки тараптуу келишими бекитилсин.

2. Кыргыз Республикасынын финансы министрлигинен, түзүлгөн келишимдин негизинде жана Кыргыз Республикасынын «Жергиликтүү өз алдынча башкаруу жөнүндө» мыйзамынын 20-беренесинин талаптарына ылайык калктын жарандык абалдын актыларын каттоо боюнча каржылоого керектөлүүчү финансылык каражаттарды жергиликтүү бюджетке которуп берүү жагы суралсын.

3. Сары-Булак айыл аймагынын айыл өкмөтүнүн башчысына, келишимде көрсөтүлгөн Кыргыз Республикасынын юстиция министрлигинин Нарын облустук юстиция башкармалыгынан которулган акча каражатын жергиликтүү бюджетке которулусуна көзөмөл кылуу жагы тапшырылсын.