КЫЗЫЛ-СУУ АЙЫЛДЫК КЕҢЕШИ

ТОКТОМ 

Кызыл-Суу айылдык Кеңешинин VI -чакырылышынын II-сессиясы

2017-жылдын14-январы № 12

Чара көрүү жөнүндө

Кызыл-Суу айылдык кеңешинин II-сессиясында айыл өкмөтүнүн кызматчылары Ж.Эргешов Аскер учет жүргүзүүчү, А.Субанов жооптуу катчы, Бостонбаев Шекербек Кара-Суу ДЭП-45 ишканасынын жумушчусу иштеген ишиндеги кемчилдиктери каралып, депутаттар тарабынан сын айтылды.

Депутаттардын берген суроолоруна кызматчылар жооп беришти. Алардын ичинен Эргешов Жумабайдын ишине депутаттар ишеним көрсөтүшпөй 7 (жети) добуш менен каршы пикир беришти Сын-пикирлерди угуп жана талкуулап, айылдык кеңеши

ТОКТОМ КЫЛАТ:

1. Эргешов Жумабай аскер учет жүргүзүүчү, өзүнүн кызматына кайдыгер карап, мыйзам бузуучулукка жол бергендиги үчүн ээлеген кызматынан четтетилсин.

2. Эргешов Жумабайды кызматтан четтетүү жагы Кызьл-Суу айыл өкмөтүнүн башчысы М. Нышанбаевге тапшырылсын.

3. Кызыл-Суу айылдык кеңешинин жана Кызыл-Суу айыл өкмөтүнүн иш кагаздарын жеткиликтүү алып барбагандыгы үчүн А.Субановго эскертүү берилсин.

4. Бостонбаев Шекербек Кара-Суу ДЭП ишканасынын жол куруу жумушчусу иштеген ишинде кетирилген кемчиликтери үчүн эскертүү берилсин, кемчиликтерди оңдоого бир айлык мөөнөт берилсин, аткарылбаган учурда чара көрүлсүн.

5. Токтомдун аткарылышы Кызыл-Суу айыл өкмөтүнүн башчысы М.Нышанбаевге тапшырылсын.