Т. КУЛАТОВ АЙЫЛДЫК КЕҢЕШИ

ТОКТОМ

Т.Кулатов айылдык Кеңешинин VI чакырылышынын кезектеги VIII сессиясы

2017-жылдын 21-ноябры №8-6

Т.Айбашов атындагы орто мектебинин учурдагы абалын карап чыгуу менен жаңы, заман талабына ар тараптуу жооп берген көп тилдүү иновациялык, кошумча жатып окуу шарты менен 1000 орундуу жана 200 орундуу жатаканасы менен мектеп куруу жөнүндө

Т.Кулатов атындагы айыл өкмөтүнө караштуу Т.Айбашов атындагы орто мектебинин мугалимдер жамаатынын жана ата-энелер комитетинин катышуусундагы 2017-жылдын 20-ноябрындагы чогулушунун № 7 протоколун угуп жана талкуулап, депутаттардын Т.Кулатов атындагы айылдык кенештин сессиясы:

ТОКТОМ КЫЛАТ:

1.    Т.Кулатов атындагы айыл өкмөтүнө караштуу Т. Айбашов атындагы орто мектебинин мугалимдер жамаатынын жана ата-энелер комитетинин катышуусундагы 2017-жылдын 20-ноябрындагы чогулушунун № 7 протоколу аткарууга алынсын.

2.    Аймактагы инновациялык гимназия тибиндеги, жатаканасы менен жаңы мектептин курулушун куруу колдоого алынсын жана Кыргыз Республикасынын өкмөтүнөн суралсын.

3.    Токтомдун аткарылышын көзөмөлдөө жагы айыл өкмөтүнүн башчысы Н. Мадимаровго милдеттендирилсин.