НООКАТ ШААРДЫК КЕҢЕШИ

ТОКТОМ

Ноокат шаардык Кеңешинин V чакырылышынын XIII сессиясы

2018-жылдын 08-августу № XIII-18

Ноокат шаар аймагындагы Кара-Турпак кварталынын, Жамий атындагы көчөсүндөгү көпүрүгө плита сатып алуу үчүн акча каражатын ажыратып берүү жөнүндө

Ноокат шаар аймагындагы Кара-Турпак кварталынын, Жамий атындагы көчөсүндөгү көпүрөгө плита сатып алуу үчүн акча каражатын ажыратып берүү жөнүндөгү Ноокат шаардык кенешинин бюджет, экономика, финансы, соода, инвестициялар, ишкердик жүргүзүү жана тышкы экономикалык байланыштар боюнча туруктуу комиссиясынын берген сунушунун негизинде “Жергиликтүү өз алдынча башкаруу жөнүндөгү” Кыргыз Республикасынын Мыйзамынын 31-беренесинин 2-3-бөлүктөрүнө ылайык, Ноокат шаардык кеңешинин отуруму

ТОКТОМ КЫЛАТ:

1. Ноокат шаар аймагындагы Кара-Турпак кварталынын Жамий атындагы көчөүндөгү көпүрөгө плита сатып алуу үчүн 706-бөлүмдүн 3111 беренесинин эсебинен 250 000 (эки жүз элүү миң) сом акча каражаты ажыратылып берилсин.

2. Токтомдун аткарылышын көзөмөлдөө Ноокат шаардык кенешинин бюджет, экономика, финансы, соода, инвестициялар, ишкердик жүргүзүү жана тышкы экономикалык байланыштар боюнча туруктуу комиссиясына тапшырылсын.