ЖЕКЕНДИ АЙЫЛДЫК КЕҢЕШИ

ТОКТОМ

Жекенди айылдык кеңешинин VI чакырылышынын кезексиз XI сессиясы

2017-жылдын 12-декабры №11/3

Жекенди айылдык аймагына караштуу айыл чарба багытындагы жер салыгын бир эсе көтөрүү жөнүндө

Кыргыз Республикасынын 2010-жылдын 16-мартындагы № 51, 2014-жылы 31-декабрь № 182, 2016-жылдын 12-августундагы № 167 Мыйзамдарынын редакцияларынын Кыргыз Республикасынын Салык Кодексинин 337-беренесинин Айыл чарба жерлеринин пайдалангандыгы үчүн жер салыгынын базалык ставкаларынын 6-пункутуна ылайык Жекенди айылдык Кенеши

ТОКТОМ КЫЛАТ:

1. Жекенди айылдык аймагынын айыл чарба багытындагы жер салыгын айыл чарбасынын жерлерин пайдалангандыгы үчүн базалык ставкасы 2018-жылга чейин 1 га жерге 91 сом 50 тыйын болсо, 2018-жылдын 1-январынан тартып 1 га жерге 183 сом болуп бекитилсин.

2. Ушул токтомдун аткарылышын ишке ашыруу жагы Жекенди айылдык аймагынын улук салык инспектору А.Эшовго милдеттендирилсин.

3. Токтомдун аткарылышын көзөмөлдөө Өнөр-жай, курулуш, транспорт, соодо байланыш, инвестиция, энергетика маселелери жана социалдык-экономикалык өнүгүүнүн болжолдуу багыттарын аныктоо жана бюджет боюнча туруктуу комиссиясынын төрагасы А.Кошоевге тапшырылсын.