ИСФАНА ШААРДЫК КЕҢЕШИ

ТОКТОМ

Исфана шаардык кеңешинин V чакырылышынын кезектеги XII сессиясы

2018-жылдын 08-февралы №12/5

Исфана шаарынын “Ардактуу атуулу” наамын ыйгаруу жөнүндө

Исфана шаар мэриясынын сунушун угуп жана талкуулап, Исфана шаардык Кеңешинин “Исфана шаарынын “Ардактуу атуулу” наамын ыйгаруу жөнүндө” Жобосунун 2-бөлүмүнүн 2.2-пунктуна ылайык Исфана шаардык Кеңешинин V чакырылышынын кезектеги ХII сессиясы

ТОКТОМ КЫЛАТ:

1.    Абдибакир Курбанбаев жана Жолдош Абдалиевдер Исфана шаарынын “Ардактуу атуулу” наамы берилсин жана көбүлүк менен төш белги ыйгарылсын.

2.    Ушул токтом шаардык Кеңештин аппаратында каттоодон өткөрүлүп, Кыргыз Республикасынын Өкмөтүнө караштуу жергиликтуу өз алдынча башкаруу иштери жана этностор аралык мамилелер боюнча мамлекеттик агенттигинин www.gаmsumo.gov.kg сайтына жарыялансын жана Кыргыз Республикасынын Ченемдик укуктук актыларынын мамлекеттик реестрине киргизүү үчүн Баткен облусунун юстиция башкармалыгына жөнөтүлсүн.

3.    Бул токтомдун аткарылышын көзөмөлдөө жагы Исфана шаардык Кеңешинин билим берүү, маданият,мамлекеттик тил, каада-салт жана саламаттыкты сактоо, социалдык өнүктүрүү, экология иштери боюнча туруктуу комиссиясына тапшырылсын.