ИСФАНА ШААРДЫК КЕҢЕШИ

ТОКТОМ

Исфана шаардык кеңешинин V чакырылышынын кезектеги XII сессиясы

2018-жылдын 08-февралы №12/6

Исфана шаарынын аймагындагы аты жок көчөлөргө аталыштарды ыйгаруу жөнүндө

Исфана шаарынын аймагындагы Исфана-3 участкасындагы көчөгө жана Пилал участкасынан баштап Равахана аркылуу Темич-Колго чейинки көчөгө ат коюу жөнүндө сунушун угуп жана талкуулап, Кыргыз Республикасынын «Жергиликтүү өз алдынча башкаруу жөнүндө» Мыйзамынын 31-беренесинин 2-бөлүмүнүн 17-пунктуна ылайык Исфана шаардык Кеңешинин V чакырылышынын кезектеги ХII сессиясы

ТОКТОМ КЫЛАТ:

1.    Исфана шаар мэриясына караштуу Пилал участкасынан Темич-Колго чейинки көчөгө Жалал Өсөровдун ысмы ыйгарылсын жана Исфана-3 участкасындагы көчөгө “Хан-Ордо”, Исфана шаарынын күн чыгыш тарабындагы узундугу 6200 м болгон шаарды айланып, өтүүчү жолго “Жибек жолу” көчөсү деген аталышы берилсин.

2.    Ушул токтом шаардык Кеңештин аппаратында каттоодон өткөрүлүп, Кыргыз Республикасынын Өкмөтүнө караштуу жергиликтуу өз алдынча башкаруу иштери жана этностор аралык мамилелер боюнча мамлекеттик агенттигинин www.gаmsumo.gov.kg сайтына жарыялансын жана Кыргыз Республикасынын Ченемдик укуктук актыларынын мамлекеттик реестрине киргизүү үчүн Баткен облусунун юстиция башкармалыгына жөнөтүлсүн.

3.    Бул токтомдун аткарылышын көзөмөлдөө жагы Исфана шаардык Кеңешинин билим берүү, маданият,мамлекеттик тил, каада-салт жана саламаттыкты сактоо, социалдык өнүктүрүү, экология иштери боюнча туруктуу комиссиясына тапшырылсын.