ИСФАНА ШААРДЫК КЕҢЕШИ

ТОКТОМ

Исфана шаардык кеңешинин V чакырылышынын кезектеги XII сессиясы

2018-жылдын 08-февралы №12/8

“Лейлекавтобекети” ЖЧКнун аймагына адам ташуучу жеңил автоунааларга кирип-чыгуу акысын 20 сом өлчөмүндө бекитүү жөнүндө

“Лейлекавтобекети” ЖЧКнун  шаар аймагына адам ташуучу жеңил автоунааларга кирип-чыгуу акысын 20 сом өлчөмүндө бекитүү жөнүндө сунушун угуп жана талкуулап, Кыргыз Республикасынын «Жергиликтүү өз алдынча башкаруу жөнүндө» Мыйзамынын 31-беренесинин 2-бөлүмүнүн 4-пунктуна ылайык Исфана шаардык Кеңешинин V чакырылышынын кезектеги ХII сессиясы

ТОКТОМ КЫЛАТ:

1.    “Лейлекавтобекети” жоопкерчилиги чектелген коомунун аймагына патентке ээ болгон адам ташуучу жеңил автоунааларга (таксилерге) кирип-чыгуу акысы 20 сом өлчөмүндө бекитилсин.

2.    Ушул токтом шаардык Кеңештин аппаратында каттоодон өткөрүлүп, Кыргыз Республикасынын Өкмөтүнө караштуу жергиликтуу өз алдынча башкаруу иштери жана этностор аралык мамилелер боюнча мамлекеттик агенттигинин www.gаmsumo.gov.kg сайтына жарыялансын жана Кыргыз Республикасынын Ченемдик укуктук актыларынын мамлекеттик реестрине киргизүү үчүн Баткен облусунун юстиция башкармалыгына жөнөтүлсүн.

3.    Бул токтомдун аткарылышын көзөмөлдөө жагы Исфана шаардык Кеңешинин Мыйзамдуулук, башкаруу, жаштар, спорт депутаттык этика жана коомдук уюмдар менен иштөө боюнча туруктуу комиссиясына тапшырылсын.