ОШ ШААРДЫК КЕҢЕШИ

ТОКТОМ

Ош шаардык Кеңешинин кезектеги X сессиясы (IV чакырылыш)

2017-жылдын 26-декабры № 100

Ош шаарында калк тарабынан чыгарылган саркынды сууларга алынуучу төлөмдөрдүн тарифин өзгөртүү жөнүндө

«Ошшаарсууканал» муниципалдык ишканасынын директору Д.Кокочоровдун калк тарабынан чыгарылган саркынды сууларга алынуучу төлөмдөрдүн тарифин өзгөртүү жөнүндө маалыматын угуп жана талкуулап, Ош шаарынын мэриясынын 2017-жылдын 31-октябрындагы №629/08-13 катын жана Кыргыз Республикасынын Өкмөтүнө караштуу монополияга каршы жөнгө салуу мамлекеттик агенттигинин Ош шаардык бөлүмүнүн 2017-жылдын 8-ноябрындагы №19-«Ошгорводоканал» муниципалдык ишканасынын калкка суу саркындыларын тазалоо жана чыгаруу боюнча акы алып кызмат көрсөтүүнүн наркын макулдашуу жөнүндө» буйругун жана Ош шаардык Кеңешинин транспорт, жылуулук-энергетикалык комплекс, муниципалдык чарба жана байланыш маселелери боюнча туруктуу депутаттык комиссиясынын отурумунун 2017-жылдын 9-ноябрындагы №36-токтомун, ошондой эле сессияда сүйлөгөн депутаттардын ой-пикирлерин эске алуу менен Ош шаардык Кеңеши

ТОКТОМ КЫЛАТ:

1. Ош шаарында калк тарабынан чыгарылган саркынды сууларды кабыл алуу жана тазалоого алынуучу төлөм 1м3 үчүн 2 сом 90 тыйын өлчөмүндө бекитилсин:

2. Депутаттардын Ош шаардык Кеңешинин 2007-жылдын 15-майындагы №226- «Ичүүчү сууга жана саркынды сууларды агызуудан алынуучу төлөмдөрдүн тарифтерин өзгөртүү жөнүндө» токтомунун №1-тиркемесинин 3,4,5-пунктары күчүн жоготту деп эсептелсин.

3. Бул токтом мыйзамда каралган тартипте катталсын (Б.Астанакулов) жана массалык маалымдоо каражаттарына жарыялансын (А.Эргашева).

4. Токтомдун аткарылышын көзөмөлдөө Ош шаардык Кеңешинин транспорт, жылуулук-энергетикалык комплекс, муниципалдык чарба жана байланыш маселелери боюнча туруктуу депутаттык комиссиясына (Б. Шоноев) жүктөлсүн.