АТ-БАШЫ АЙЫЛДЫК КЕӉЕШИ

ТОКТОМ

кезектеги I сессиясы

2018-жылдын 9-февралы № 1-5

«Ат-Башы айыл аймагынын айыл өкмөтүнүн эсебиндеги 1-январь 2018-жылга карата калдык акча-каражатын пайдалануу багытын аныктоо жөнүндө»

Ат-Башы айыл аймагынын айыл өкмөтүнүн бюджеттик эсебиндеги 1-январь 2018-жылга карата 1 969 793 сом 05 тыйын калдык жана атайын эсебиндеги 180 539 сом 04 тыйын акча-каражатын пайдалануу багытын аныктоо боюнча Ат-Башы айыл аймагынын айылдык кеңешинин бюджет, финансы жана экономика боюнча туруктуу комиссиясынын жана Ат-Башы айыл өкмөтүнүн башчысы К. Чоробековдун, финансы-экономика бөлүмүнүн башчысы Т.Жусубалиевдин сунуштарынын негизинде Ат-Башы айыл аймагынын айылдык кеңеши

ТОКТОМ КЫЛАТ:

1.Ат-Башы айыл аймагынын айыл өкмөтүнүн эсебиндеги 1-январь 2018-жылга карата 1 969 793 сом 05 тыйын калдык акча-каражаты төмөндөгүдөй багыттарга пайдаланууга бөлүштүрүлсүн:

Ат-Башы айылынын квартал башчыларына, аксакалдар сотуна, айылдык кеңештин төрагасына жана айыл өкмөттүн жумушчуларынын эмгек акы, соц.фонд төлөмүнө 787 400 сом;

Кызматтык авто унаа алууга 750 000 сом;

Жайыт комитетине 121 500 сом;

1С программа 40 000 сом;

Рутокен (ЭЦП) 3 100 сом;

Сайттын кызматы 3 000 сом;

Даталуу күндөргө 50 000 сом;

Ж.Курманов китеп чыгарууга жардам 20 000 сом;

Чөө атууга 20 000 сом;

Улан жаңы конушуна эл. линия тартуу 150 000 сом;

Трансформатор коштуруу 24 793 сом;

2. Ат-Башы айыл өкмөтүнүн атайын эсебиндеги (ата-энелерден түшкөн төлөм) 01.01.2018-жылга калган калдыгы 180 539 сом 04 тыйын бала бакчалардын тарбиялануучуларынын тамак-аш чыгымдарына жумшалсын:

3. Бул токтомдун аткарылышын камсыз кылуу жагы Ат-Башы айыл өкмөтүнүн ФЭБ башчысы Т. Жусубалиевге милдеттендирилсин.

4. Бул токтомдун аткарылышын көзөмөлдөө жагы Ат-Башы айыл өкмөтүнүн башчысы К. Чоробековго тапшырылсын.

5. Ушул токтом айыл өкмөтүнүн аппаратынан каттоодон өткөрүлүп, Ат-Башы айыл өкмөтүнүн atbashy.org.kg расмий сайтына жарыялансын жана Кыргыз Республикасынын Ченемдик укуктук актыларынын мамлекеттик реестрине киргизүү үчүн Нарын облусунун юстиция башкармалыгына жөнөтүлсүн.