ЧОН-САРЫ-ОЙ АЙЫЛДЫК КЕӉЕШИ

ТОКТОМ

XXVII чакырылышынын кезексиз VII сессиясы 

2017-жылдын 27-октябры № 40

2017-жылга карата Чоң-Сары-Ой айыл Өкмөтүнүн аппарат кызматкерлеринин айлык акы маянасы жөнүндө

Кыргыз Республикасынын «Жергиликтүү өз алдынча башкаруу жөнүндө» мыйзамынын 31-беренесине ылайык, Чоң-Сары-Ой айыл Өкмөтүнүн жергиликтүү бюджетинин 2017-жылдын 9 айынын жыйынтыгы менен бекитилген пландан кирешенин ашыкча түшкөндүгүнө байланыштуу жана айыл Өкмөтүнүн ФЭБнун башчысы Ж. Учкемпированын кайрылуусунун негизинде, жергиликтүү бюджетке өзгөртүүлөрдү киргизүү маселесин карап, талкуулап чыгып Чоң-Сары-Ой айылдык Кеңеши

ТОКТОМ КЫЛАТ:

1. Чоң-Сары-Ой айыл Өкмөтүнүн жергиликтүү бюджетине 2017-жылдын 9 айынын жыйынтыгы менен киреше бөлүгүнө акча-каражаттын ашыкча түшүп жаткандыгына байланыштуу, жергиликтүү бюджеттин эсебинен Чоң-Сары-Ой айыл Өкмөтүнүн аппарат кызматкерлерине сыйлык катары бир айлык акы маянасы өлчөмдөрүндө кошулуп берилсин.

2. Токтомду макулдашуу жагы Финансы Министрлигинин Ысык-Көл башкармалыгынан суралсын.

3. Токтомдун аткарылышы Чоң-Сары-Ой айыл Өкмөтүнүн башчысы У. Абдыкалыковго жана ФЭБнун башчысы Ж. Учкемпировага милдеттендирилсин.

4. Токтомду көзөмөлгө алуу жагы «Бюджет, финансы, экономика, инвестиция тартуу жана орто чакан бизнести өнүктүрүү боюнча» туруктуу комиссиясына тапшырылсын.