ЭМГЕК-ТАЛАА АЙЫЛДЫК КЕҢЕШИ

ТОКТОМ

2016-жылдын - 25 апрели № 1

Малчылардын жайлоолорго көчүүсү жана көчүп келүүсү жөнүндө

Нарын районунун Эмгек-Талаа айыл аймагында 2016-жылдын жазгы, жайкы, күзгү оруп-жыйуу иштерин уюшкандыкта өткөрүү жана дыйкандардын арпа, буудайларынын түшүмүн, аянттардагы көп жылдык чөп өсүмдүктөрүн коромжусуз жыйнап алуу максатында, ошондой эле Эмгек-Талаа айыл өкмөтүнүн кызмат адамдарынын жана жамаат өкүлдөрүнүн сунуштарын угуп, Нарын районунун Эмгек-Талаа айыл аймагынын айылдык кенешинин XXVI чакырылышындагы кезектеги XVII сессиясы,

ТОКТОМ КЫЛАТ:

1. Нарын районунун Эмгек-Талаа айыл аймагынын малчыларынын жазгы жайлоолорго көчүүсү 30- апрелге чейин жана жайкы алыскы жайлоолорго (Кен-Суу, Солтон-Сары, Кара-Тал) көчүүсү 25-июнга чейин белгиленсин.

2. Нарын районунун Эмгек-Талаа айыл аймагынын алыскы жана жакынкы жайлоолордогу (Кен-Суу, Солтон-Сары, Кара-Тал) малчылардын 2016-жылдын 1-октябрына чейин Ак-Талаа, Эмгек-Талаа айылдарына жана кыштоолорго көчүп келүүсүнө жана малдардын айдап келүүсүнө тыйуу салынсын.

3. 2016-жылдын 1-октябрына чейин Ак-Талаа, Эмгек-Талаа айылдарына жана кыштоолорго көчүп келген жана малдарын айдап келген малчыларга мыйзамга ылайык айып пул салынаары эскертилсин.

4. Токтом айыл өкмөтүнүн аппаратынан каттоодон өткөрүлүп emgektalaa.narun-region.kg веб сайтына жарыялансын жана Кыргыз Республикасынын Ченемдик-укуктук актыларынын мамлекеттик реестрине киргизүү үчүн Нарын облустук юстиция башкармалыгына жөнөтүлсүн.

5. Токтом айыл өкмөтүнүн аппаратынан каттоодон өткөрүлүп emgektalaa.narun-region.kg веб сайтына жарыялансын жана Кыргыз Республикасынын Ченемдик-укуктук актыларынын мамлекеттик реестрине киргизүү үчүн Нарын облустук юстиция башкармалыгына жөнөтүлсүн.

6. Бул токтомду жеринде малчыларга жеткирүү жана аткарылышын камсыздоо жагы Эмгек-Талаа айыл өкмөтүнүн башчысы Р.Эсенбековго тапшырылсын.