ЧАПАЕВ АЙЫЛДЫК КЕҢЕШИ

ТОКТОМ

XXVII чакырылыштагы Чапаев айыл аймагынын айылдык кеңешинин кезектеги сессиясы

2017-жылдын 10-апрели № 15

Кичи ГЭС куруу үчүн жер участогун бөлүп берүү жөнүндө

 «Азия-Энерго» ЖЧКнун 2017-жылдын 8-августундагы №6 кичи ГЭС куруу үчүн жер участогун бөлүп берүү жөнүндө кайрылуусун жана айыл өкмөттүн бул маселе боюнча сунушун карап чыгып жана талкууулап, Кыргыз Республикасынын Жер кодексинин 18 жана 82-беренелерине, Кыргыз Республикасынын «Энергиянын кайра жаралуучу булактары жөнүндө» мыйзамынын 5 жана 6- беренелерине, Кыргыз Республикасынын «Жергиликтүү өз алдынча башкаруу жөнүндө» мыйзамынын 31, 36 жана 37-беренелерине ылайык Чапаев айылдык кеңеши

ТОКТОМ КЫЛАТ:

1. Кичи ГЭС куруу үчүн Чапаев айыл аймагынын №8 контурунда жайгашкан аянты 2 га жер участогун «Азия-Энерго» ЖЧКна ижарага 49 жылга бөлүп берүү жөнүндө айыл өкмөттүн сунушуна макулдук берилсин.

2. Ушул токтомдун көчүрмөсү белгиленген тартипте Кыргыз Республикасынын ченемдик укуктук актыларынын мамлекеттик реестрине киргизүү үчүн Чуй-Бишкек юстиция башкармалыгына жөнөтүлсүн.

3. Ушул токтомдун аткарылышын камсыз кылуу айыл өкмөттүн жоопту катчысына тапшырылсын.

4. Токтомдун аткрылышын көзөмөлдөө айыл өкмөттүн башчысы Ж.А. Байсульдаевге жүктөлсүн.