ТОКМОК ШААРДЫК КЕҢЕШИ

ТОКТОМ

ТОКМОК ШААРДЫК КЕҢЕШИНИН IV ЧАКЫРЫЛЫШЫНЫН КЕЗЕКТЕГИ XXII СЕССИЯСЫ

2018-жылдын 27-июну № 148/22-4

Республикалык бюджеттен жергиликтүү шаардын бюджетине келип түшкөн 15000,0миң сом максаттуу трансферттерди багыттоого макулдук берүү жөнүндө

2018-жылдын 20-июнундагы № 960/1-4 Токмок шаарынын мэри Д.Ж. Амангельдиевдин катынын жана 20-июндагы Токмок шаардык кеңешинин экономика, бюджет, каржы, салыктар жана инвестицияларды тартуу боюнча туруктуу депутаттык комиссиясынын отурумунун протоколдорунун негизинде, Бюджет кодексинин 78-беренесине ылайык, Кыргыз Республикасынын “Жергиликтүү өз алдынча башкаруу жөнүндө”, “Жергиликтүү кеңештердин депутаттарынын статусу жөнүндө” мыйзамдарын жетекчиликке алуу менен, Токмок шаардык кеңеши

ТОКТОМ КЫЛАТ:

1. Республикалык бюджеттен жергиликтүү шаардын бюджетине келип түшкөн 15000,0 миң сом максаттуу трансфертерди багыттоого макулдук төмөнкү тартипте берилсин:

-“Токмок Жылуулук” муниципалдык ишканасына Токмок шаарынын муниципалдык менчик башкармалыгы аркылуу 9000,0 миң сом “Коммуналдык кызматтар” 2231 беренесине субсидия боюнча карыздарды жабууга (тарифтер боюнча айырмасынын чыгымдарын жабууга) калкка жылуулук энегиясын берген үчүн бөлүнүп берилсин;

- 6000,0 миң сом төмөнкү иштерди жүргүзүүгө бөлүнүп берилсин: №9 орто мектебинин жылытуу системасын оңдоого – 4272,0 миң сом, №4 толук эмес орто мектебинин жылытуу системасын оңдоого – 394,5 миң сом, №6 орто мектебинин жылуулук энергиясын эсептегич приборун орнотууга– 500,0 миң сом, Токмок шаарынын 1 жана 3 кичирайондорунун көчөлөрүнүн жарыктандырууларын таянычтары менен орнотуу жүргүзүүгө– 600,0 миң сом, Токмок шаарынын мэриясынын жана ТРЭСТ муниципалдык имараттардагы эсептегич приборлорун текшерүү жүргүзүүгө – 70,0 миң сом, Токмок ш. Ленин көчөсүндөгү Лениндин эстелигинин айланасындагы паркты көрктөндүрүү боюнча реконструкциялоого – 163,5 миң сом.

2. Токмок Жылуулук” Муниципалдык ишканасынын директору (Шамил уулу Тамерлан) жана Токмок ш. муниципалдык менчик башкармалыгынын милдетин аткаруучусу (Кусанов С.А.) бөлүнгөн каражатты максаттуу багыты боюнча так пайдалансын.

3. Ушул токтомдун аткарылышын көзөмөлгө алуу, Токмок шаардык кеңешинин экономика,бюджет, каржы, салыктар жана инвестицияларды тартуу боюнча туруктуу депутаттык комиссиясына жүктөлсүн.