КАРГАЛЫК АЙЫЛДЫК КЕҢЕШИ

ТОКТОМ

Каргалык айылдык кеңешинин (XXVII чакырылышынын) кезектеги VIII сессиясы

2017-жылдын 7 -июну № 33

Тогуз-Topo райондук суу чарба башкармалыгынын жүргүзүп жаткан иштери жөнүндө

"Өнөр жай, курулуш,транспорт,байланыш, экология, архитектура боюнча» туруктуу комиссиясынын төрагасы Базаркулов Толкунбектин Тогуз-Topo райондук суу чарбя башкармалыгынын башчысы А.Райымкуловдун отурумга катышпагандыгы боюнча маалыматын угуп жана талкуулап, Каргалык айылдык кеңешинин (XXVII чакырылышынын) кезектеги VIII сессиясы

ТОКТОМ КЫЛАТ:

1. Райондук суу чарба башкармалыгынын башчысы А.Райымкуловдун Каргалык айылдык кеңешинин 2017-жылга карата бекитилген иш планында "Райондук суу чарба башкармалыгынын 2016-жылда аткарган иштери тууралуу жана 2017-жыл ичинде аткара турган иштери тууралуу" маселе 2-кварталга коюлгандьпы жөнүндө төраганын жөнөткөн катын жана бул боюнча тапшырма алган туруктуу комиссиянын төрагасынын өтүнүчүн четке кагып отурумга катышпай жана 07.06.2017-жылы өтүлгөн Каргалык айылдык кеңешинин (XXVII чакырылышынын) кезектеги VIII сессиясына келип маалымат бербегендиги көрсөтүлсүн.

2. Каргалык айылдык кеңешинин алдында түзүлгөн туруктуу комиссиянын «өзүнүн карамагына кирген маселелер боюнча мамлекеттик бийликтин аймактык органдарынын, менчигинин түрүнө карабастан айыл аймагында жайгашкан ишканалардын, мекемелердин жана уюмдардын жетекчилерин жана адистерин угууга укуктуу» экендигин эске албастан, түз мамиле кылбагандыгы үчүн райондук суу чарба башкармалыгынын башчысы А.Райымкуловго тиешелүү чара көрүп берүү жагы Жалал-Абад областтык суу чарба башкармалыгынан жана райондук мамлекеттик администрациясынан суралсын.

3. Бул токтом Тогуз-Topo райондук мамлекеттик администрациясынын сайтына жарыялансын.

4. Бул токтомдун аткарылышына көзөмөлдөө жагы Каргалык айылдык кеңешинин төрагасы Р. Жунусакуновго тапшырылсын.