ЖЕРГЕ-ТАЛ АЙЫЛ АЙМАГЫНЫН АЙЫЛДЫК КЕҢЕШИ

ТОКТОМ

Депутаттардын Жерге-Тал айыл аймагынын Айылдык Кеңешинин XXV чакырылышынын XXIV кезектеги сессиясы

2015-жылдын 10-октябры № 1

«СГБ - Сервис» жоопкерчилиги чектелген коомуна Жерге-Тал айыл аймагынын административдик территориясынан 216,5 га жер аянтынан алтынга геологиялык изилдөө иштерин жүргүзүүгө уруксаат сураган өтүнүчү боюнча Нарын райондук мамлекеттик администрациясынын 30.09.2015-жылдагы № 1123/04 катын кароо жөнүндө

Депутаттардын Жерге-Тал айыл аймагынын Айылдык Кеңешинин кезектеги сессиясы

ТОКТОМ КЫЛАТ:

1. «СГБ - Сервис» жоопкерчилиги чектелген коомуна Сары-Айрык участкасынан 216,5 га аянтка алтынга геологиялык изилдоо иштерин жүргүзүүгө Кыргыз Республикасынын Өкмөтүнө караштуу геология жана минералдык ресурстар боюнча мамлекеттик агенттигинин № 4276 АП № 01939 сериясындагы 28-июль 2015-жылдагы лицензиясынын негизинде уруксаат берилсин.

2. «СГБ - Сервис» жоопкерчилиги чектелген коомуна № 4276 АП 28-июль 2015-жылдагы лицензиясында көрсөтүлгөн макулдашуу боюнча талаптарды аткарууну камсыз кылуу жана сактоо жагы милдеттендирилсин.

3. Ушул токтом айыл өкмөтүнүн аппаратынан каттоодон өткөрүлүп jerge-tal naryh-region kg веб-сайтына жарыялансын жана Кыргыз Республикасынын Ченемдик укуктук актыларынын мамлекеттик реестрине киргизүү үчүн Нарын облусунун юстиция башкармалыгына жөнөтүлсүн.