ЖАЛАЛ-АБАД ШААРДЫК КЕӉЕШИ

ТОКТОМ

Жалал-Абад шаардык кеңешинин VIII чакырылышынын кезектеги XI сессиясы

2018-жылдын 17-августу № 6

Жалал-Абад шаарынын аймагындагы кварталдык комитеттердин чек араларын бекитүү жана каттоо жөнүндө

Жалал-Абад шаарынын мэриясынын 31.07.2018-ж. чыг.№02-03/1980-катты жана Кыргыз Республикасынын «Жергиликтүү өз алдынча башкаруу жөнүндө » Мыйзамынын 55-беренесинин 3-4-пункттарын негиз кылып, Жалал-Абад шаардык кеӊешинин кезексиз XI сессиясы

ТОКТОМ КЫЛАТ

1.  Жалал-Абад шаарынын аймагындагы кварталдык комитеттердин чек аралары №1-тиркемеге ылайык бекитилсин жана кварталдык комитет катары статус алып катталсын.

2.  Жалал-Абад шаарынын аймагындагы кварталдык комитеттердин Жобосу №2-тиркемеге ылайык бекитилсин.

3.  Жалал-Абад шаарынын мэриясына кварталдык комитеттерди юстиция органдарынан каттоого алынуусуна көмөктөшүү жагы жүктөлсүн.

4.  Ушул токтомду массалык маалымат каражаттарында жарыялап, Кыргыз Республикасынын Юстиция министрлигине мамлекеттик реестрге киргизүү жагы шаардык кеңештин жооптуу катчысына (Б.Беркбаева) милдеттендирилсин.

5.  Ушул токтомдун аткарылышын көзөмөлгө алуу жагы шаардык кеңештин социалдык, укуктук маселелер, мыйзамдуулук, партиялар, депутаттык этика, депутаттык ишмердүүлүк, коомдук уюмдар, жана кыймылдар боюнча туруктуу комиссиясына (С.Чимбердиев) милдеттендирилсин.

6.  Ушул токтом Жалал-Абад шаарынын www.jacity.kg расмий сайтында жарыялангандан тартып күчүнө кирет.

Жалал-Абад шаардык кеӊешинин 17-август 2018-жылдагы

кезексиз XI сессиясынын 6-токтомуна 1 тиркеме

Жалал-Абад шаарынын аймактык башкарууларындагы кварталдык комитеттеринин чек аралары боюнча тизме

Жооптуу катчы                                                                                                                                                                                                                                                      Б.Беркбаева

Жалал-Абад шаардык кеӊешинин 17-август 2018-жылдагы

кезексиз XI сессиясынын 1-токтомуна 2-тиркеме

Жалал-Абад шаарындагы кварталдык комитеттер жөнүндө Жобо

I. Жалпы жобо

Ушул Жобо кварталдык комитеттердин ишмердүүлүгүн Кыргыз Республикасынын «Жергиликтүү өз алдынча башкаруу жөнүндө» мыйзамына ылайык жөнгө салынат.

1.1. Кварталдык комитеттер - жергиликтүү аймактык өз алдынча башкаруу органынын коомдук чыгармачыл демилгесин өнүктүрүүгө жана кварталдын аймагындагы мамлекеттик, чарбалык жана социалдык-маданий курулуштар боюнча маселелерин чечүүдө жарандарды кеӊири тартууга жөндөмдүү болгон алгачкы коомдук орган болуп саналат.

1.2. Кварталдык комитеттер - турак жай массивдеринде жана жеке курулуштар жайгашкан 300 дөн кем эмес түтүнү бар конуштарда Аймактык башкаруунун, мэриянын сунушуна ылайык, шаардык кенештин чечими менен түзүлөт.

1.3. Кварталдык комитеттердин жобосу шаар мэриясы тарабынан иштелип чыгып шаардык кеӊешке сунушталат жана шаардык кеӊештин токтому менен бекитилет.

1.4. Кварталдык комитеттердин ишмердүүлүк жүргүзүү чек аралары аймактык башкаруунун жана жашоочулардын сунуштарын эске алуу менен такталып, Жалал-Абад шаардык кеӊешинин токтому менен бекитилет.

1.5. Комитеттер жарандардын жалпы жыйындарында (чогулуштарда) шайлоо жолу менен түзүлөт.

1.6. Комитеттер өзүнүн статусун Жалал-Абад шаарынын мэриясында милдеттүү түрдө каттоодон өткөндөн кийин алат. Комитеттер өзүнүн иш кагаздарын анын түзүлүшү жөнүндө чечим чыккандан кийин 10 күндүк мөөнөт ичинде каттоого сунуштайт жана келишимдик негизде жергиликтүү өз алдынча башкаруу органдары тарабынан берилген ыйгарым укуктарын ишке ашырат жана аткарат.

1.7. Комитеттер жарандардын жыйындарына жана аларды каттаган Жалал-Абад шаарынын мэриясына берилген ыйгарым укуктары чегинде отчет берүүгө милдеттүү.

II. Комитеттерди уюштуруу жана шайлоолорду өткөрүү

2.1. Кварталдык комитеттердин шайлоосу кварталдын белгиленген аймагында туруктуу жашаган жана катталган жарандардын жалпы жыйындарында уюштурулат.

2.2. Жалпы жыйын аталган аймактын жашоочулары тарабынан уюштурулат жана өткөрүлөт.

2.3. Жалпы жыйындын ишине:

а) тийиштүү аймакта катталган, 18-жашка толгон жергиликтүү жамааттын мүчөлөрү;

б) сунуш берүу добушу менен Жалал-Абад шаарынын кеӊешинин депутаттары жана аймактык башкаруунун өкүлдөрү катышууга укуктуу;

2.4. Кварталдык комитеттерди жана алардын өкүлчүлүктөрүн шайлоо жарандардын комитеттин аймагында жашагандардын санынын 35% катышкан жалпы жыйынында жабык же ачык добуш берүү жолу менен (жыйындын чечимине ылайык) жүргүзүлөт, кварталдык комитеттерди шайлоо боюнча жарандардын жыйындары, чогулуштары аймактык башкаруунун чечими менен чакырылат жана тийиштүү иш кагаздар менен таризделет.

2.5. Кварталдык комитеттердин мүчөлөрү ачык добуш берүү менен 3 кишиден кем эмес курамда шайланат.

 а) Кварталдык комитеттин төрагалары шайлангандан кийин аймактык башкаруунун башчысы тарабынан бекитилет.

 б) Аталган аймактын курамына кирген кварталдын жашоочуларынын жалпы жыйындарын өткөрүү тартиби жана өкүлчүлүктүн ченемдери, аймактык башкаруу тарабынан аныкталат;

в) Аталган жыйында, чогулушта катышкандардын жарымынан көбүнүн добушун алгандар Кварталдык комитеттердин курамына шайланды деп эсептелет.

2.6. Кварталдык комитеттердин курамынан орун басарын, катчыны шайлайт жана комитеттин башка мүчөлөрү арасында милдеттерди бөлүштүрөт.

2.7. Кварталдык комитеттердин ыйгарым укуктарынын мөөнөтү – 2 жыл;

Кварталдык комитеттердин өкүлдөрү, башка мүчөлөрү төмөнкү учурларда өз ыйгарым укуктарынан:

-аймактык башкаруунун берилген функционалдык милдеттерин жетишерлик денгээлде аткарбагандыгы жөнүндөгү сунушуна ылайык;

-такталган жамааттык даттанууга;

-жеке арызы же ден соолугуна жараша;

- кварталдык комитеттерди мөөнөтүнөн мурда шайлоо аймактык башкаруу тарабынан төрага бошогон учурда чакырылат;

-мүчөлөрүнүн көпчүлүгү комитеттердин курамынан чыгып кеткенде;

-Аймактык башкаруунун демилгеси менен четтетилиши мүмкүн.

2.8. Кварталдык комитеттер аймактык башкаруунун алдында, жарандардын чогулуштарында, жыйындарында отчет берет. Отчет зарыл учурда, бир жылда бир жолу, жана жарым жылда бир жолудан кем эмес чыгарылат.

2.9. Кварталдык комитеттин мүчөсү болуп 18 жаштан кем эмес 65 жаш куракка чейинки, жалпы орто билими бар, сабаттуу, аткаруучулук жана лидерлик жөндөмү бар ошол кварталда жашаган Кыргыз Республикасынын жараны боло алат.

III. Кварталдык комитеттердин тапшырмалары

3.1.Кварталдык комитеттер калктын аймакты көрктөндүрүү, сактоо, турак-жай-коммуналдык чарбасын жакшыртуу жана туура пайдалануу иштеринде санитардык иш чараларды ишке ашырууга жана коомдук тартипти бекемдөөгө катышуусун уюштурат.

Кварталдык комитеттер бул максатта:

-кварталдын жашоочуларын эсепке алат жана үй чарба китебин жүргүзөт;

-жарандардын паспорттук режимди сактоодо, каттоосуз жашагандарды аныктоодо көмөк көрсөтөт;

-жашоочулар менен көрктөндүрүү иштерин жүргүзүүнү уюштурат (короолорду, үйлөрдү, аларга караган аймактарды, дарактарды отургузуу, боео, үйлөрдү, тосмолорду актоо, арыктарды тазалоо ж.б.у.с.);

-мектепке чейинки балдарды эсепке алуу, мектепке барбаган балдарды тактоодо, балдардын кароосуз калуусу менен күрөшүү боюнча билим берүү мекемелерине көмөк көрсөтөт;

-саламаттыкты сактоо мекмелерине калк арасында дарылоонун алдын алууларды, ошондой эле санитардык-агартуу иш чараларын өткөрүүгө көмөк көрсөтөт;

-каржы органдарына жана коммуналдык кызматтарга калктын өз учурунда белгиленген салык төлөмдөрүн төлөө маселелерине жардам көрсөтөт;

- согуштун жана эмгектин майыптарынын, курман болгон жана багуучусун жоготкон аскер кызматкерлеринин үй бүлөлөрүнүн, карылардын зарылчылыктары жөнүндө кам көрүү, алардын жашоо-шарттарын изилдөөнү жүргүзөт. Зарыл учурда аймактык башкаруу аркылуу коомдук жардамды уюштурат;

- коомдук тартипти сактоо боюнча Аймактык башкаруу, ШИИБ жана КААБ менен биргеликте элдик кошундардын иштерин уюштурат;

-өзүнүн кварталындагы жашоочуларга аймактык башкаруунун өздүк базасынын негизинде үй бүлө курамы жөнүндө жана жашагандыгы тууралуу тактамаларды монополияга каршы күрөшүү агенттиги тарабынан бекитилген реестрге ылайык берет.

IV. Кварталдык комитеттердин укуктары жана милдеттери

4.1. Кварталдык комитеттердин укуктары:

-алардын компетенцияларына кирген маселелерди чечүү үчүн кварталдын жашоочуларынын чогулуштарын жана жыйындарын чакырууга, аймактык башкаруунун ишмердүүлүгүнүн айланасына кирген тийиштүү Аймактык башкарууга өттүнмөлөрдү жана сунуштарды киргизүүгө;

-кварталдык комитет тейлеген аймактын өнүгүү пландарын түзүүдө катышат жана көрктөндүрүү-жашылдандыруу, оӊдоо, санитардык тазалоо иштерин жүргүзүүнү уюштурат;

-социалдык - тармактагы отбъектилерди кабыл алууда катышат;

-өзүнүн аймагында турак жайларды куруу эрежелерин сактоону көзөмөлдөөнү ишке ашырат жана башка алардын кароосуна кирген маселелер боюнча аныкталган кемчиликтерди жоюу сунушун тиешелүү аймактык башкарууга киргизет;

- коомдук тартипти, турак-жайды пайдаланууда, санитардык ченемдерди жана башка эрежелерди бузган кварталдын жашоочуларына жалпы жыйындарда коомдук таасир берүү чараларын колдонуу жолу менен чара көрөт. Кварталдык комиттердин жыйындарында жана отурумдарында, же аксакалдар сотторуна, Аймактык башкарууга жана башка мамлекеттик органдарга материал жөнөтөт.

- Жалал-Абад шаарынын мэриясынын жана шаардык кенештин чечимдерин аткарууга көмөк көрсөтөт;

4.2. Кварталдык комитет калктын коомдук ишмердүүлүк жүргүзгөн уюмдары болгондуктан буйрук жана тескемелерди чыгара албайт, кандайдыр бир чара көрө албайт.

4.3. Кварталдык комитет Аймактык башкаруунун башчысына жана шаар мэриясынын жетекчилиги алдында отчет берет.

V. Кварталдык комитеттердин ишин уюштуруу

5.1. Кварталдык комитеттер өз ишин тийиштүү Аймактык башкаруу менен макулдашылган план боюнча жүргүзөт.

5.2. Кварталдык комитеттин отуруму катышкан комитеттин мүчөлөрүнүн добушуна ылайык чакырылып, протоколго түшүрүлөт.

5.3. Кварталдык комитеттер коомдук санитардык абалды сактоо, аялдар арасында, балдар арасында иш алып баруу, коомдук тартипти бекемдөө, көрктөндүрүү жана жашылдандыруу, аз камсыз болгон үй бүлөлөр менен иштөө боюнча комиссияларды түзөт.

VI. Кварталдык комитеттердин жетекчилиги

6.1. Аймактык башкаруу кварталдык комитеттердин ишмердүүлүгүн жетекчиликке алат:

-кварталдык комитеттердин төрагалары менен отурумдарды өткөрүп, комитеттердин экономикалык жана социалдык-маданий тармагынын өнүгүүсү боюнча жакынкы жылдарга, кварталга түзүлгөн пландары менен тааныштырат.

-алардын ишин текшерүүнү уюштурат, аларга жардам көрсөтөт, алардын ишмердүүлүгү жөнүндөгү отчетторду талкуулайт.

-кварталдык комитеттердин практикалык ишмердүүлүгүнө зарыл шарттарды түзөт, аларды окуу куралдары, справочниктер жана башка материалдар менен камсыздайт.

-кварталдык комитеттер арасында мелдештерди уюштурат, эн жакшы комитеттердин тажрыйбасын жыйнайт жана таратат, комитеттин мүчөлөрүн сыйлоого сунуштайт.

-кварталдык комитеттердин сунуштарын бир айлык мөөнөттө карап, аларга тийиштүү чара көрөт.

-ушул Жободо каралаган ыйгарым укуктарды аткаруу үчүн Аймактык башкаруу менен келишим түзөт.

6.2. Аймактык башкаруу кварталдык комитеттин отрумунда же жалпы жыйында кабыл алынган чечимди мыйзамга туура келбеген учурда тоолук же жарым жартылай жокко чыгарууга укуктуу.

VII. Корутунду бөлүк.

8.1. Жарандардын жалпы жыйындарынын, Комитеттердин уюштуруу отурумдарынын протоколдорунун көчүрмөлөрү Аймактык башкарууларга берилет.

8.2. Ушул Жобого өзгөртүүлөр жана толуктоолор Жалал-Абад шаарынын мэриясынын, шаардык депутаттар кеӊешинин сунушу менен киргизилип, шаардык кеӊеш токтом менен бекиткенден кийин күчүнө кирет.

Жооптуу катчы                                                                                                                                                                                                                                                      Б. Беркбаева