ТАШ-БУЛАК АЙЫЛДЫК КЕӉЕШИ

ТОКТОМ

VI-чакырык XI- сессиясы

2018-жылдын 14-февралы № 5

“Дмитровка айылынын көчөсүнө Чонатаев Абдувалинын атын коюу жөнүндө”

Кыргыз Республикасынын “Кыргыз Республикасындагы географиялык аталыштар жөнүндө” Мыйзамынын жана Кыргыз Республикасынын Өкмөтүнүн 2008-жылдын 19-августундагы №467 токтому менен бекитилген “Кыргыз Республикасындагы географиялык объекттерди атоо, алардын аталышын өзгөртүү, географиялык аталыштарды эсепке алуу, каттоодон өткөрүү тартиби жөнүндө ЖОБОну” жетекчиликке алып жана Таш-Булак айыл өкмөтүнө караштуу Дмитровка айылынын тургундарынын 2018-жылда өткөрүлгөн чогулушунун протоколунун чечимин карап чыгып жана талкуулап, Таш-Булак айылдык кеңешинин X1 сессиясы

Т О К Т О М К Ы Л А Т:

1. Кыргыз Республикасынын “Кыргыз Республикасындагы географиялык аталыштар жөнүндө” Мыйзамынын жана Кыргыз Республикасынын Өкмөтүнүн 2008-жылдын 19-августундагы №467 токтому менен бекитилген “Кыргыз Республикасындагы географиялык объекттерди атоо,алардын аталышын өзгөртүү, географиялык аталыштарды эсепке алуу, каттоодон өткөрүү тартиби жөнүндө ЖОБОну” жетекчиликке алып, Дмитровка айылынын көчөсүнө Чонатаев Абдувалинын аты ыйгарылсын.

2. Чонатаев Абдувалинын атын коюлгандыгы жөнүндө жергиликтүү калкка жана тиешелүү мекеме уюмдарга маалымдоо жана үй белгилерин коюу боюнча иштерин жүргүзүү айыл өкмөтүнүн башчысы Н.Самидиновго милдеттендирилсин.

3. Токтомдун аткарылышын көзөмөлдөөнү социалдык саясат, депутаттык этика жана коомдук уюмдар менен байланыш боюнча туруктуу комиссисына жүктөлсүн.