КАРАКОЛ ШААРДЫК КЕҢЕШИ

ТОКТОМ 

2018-жылдын 31-июлу №27-21/18

Ж-2а зонасынын уруксат берилген кыймылсыз мүлктү пайдалануунун негизги түрлөрүнүн тизмегине өзгөртүүлөрдү киргизүү жөнүндө

Ысык-Көл регионалдык шаар куруу жана архитектура башкармалыгынын башчысы Ш.Джумашевдин, 2018-жылдын 28-майындагы, кир.№01-7/213, Ж-2а зонасынын бөлүгүн, башкага которуу жөнүндөгү катын карап жана талкуулап, Каракол шаардык депутаттар Кеңешинин жерди пайдалануу, архитектура, курулуш жана муниципалдык менчик боюнча туруктуу комиссиясынын корутундусун эске алуу менен, Каракол шаардык депутаттар Кеңешинин XXVII чакырылышынын XХI сессиясы,

ТОКТОМ КЫЛАТ:

1. Ж-2а (пайдалануунун түрлөрү чектелген, индивидуалдуу үйлөрдү куруу жана майда мүйүздүү малды кармоого уруксаат берилген зона) зонасынын уруксат берилген кыймылсыз мүлктү пайдалануунун негизги түрлөрүнүн тизмегине төмөнкүдөй өзгөртүү киргизилсин: Каракол шаарынын, Жамансариев атындагы көчөнүн, №106 дарегинде жайгашкан, аянты 1206,0м2 жер тилкеси, Ц-2 (жергиликтүү маанидеги коммерциялык ишкердүүлүк жана тейлөө борборлорунун зонасы) зонасына которулсун.

2. Каракол шаардык шаар куруу жана архитектура башкармалыгы:

-Каракол шаарынын курулуш ченемдери жана Эрежелерине көрсөтүлгөн толуктоону киргизсин;

-бул токтомдо, көрсөтүлгөн объектти, максаттуу пайдалануу жагын, кыйшаюусуз аткаруусун камсыз кылсын.

3. Ш.Х.Хуров, Каракол шаарындагы жерди пайдалануунун курулуш ченемдерин жана Эрежелеринин сакталышын камсыз кылсын.

4. Бул токтом Мамлекеттик ченемдик укуктук актыларынын реестрине киргизүү үчүн областтык юстиция башкармалыгына жиберилсин.

5. Токтом ММКларда жарыялансын.

6. Токтомдун аткарылышына көзөмөл жүргүзүү жерди пайдалануу, архитектура, курулуш, муниципалдык менчик боюнча туруктуу комиссиясына (М.Ө.Сагымбаев) жана Каракол шаарынын биринчи вице-мэри А.Ж.Каниметовго жүктөлсүн.