КОЧКОР-АТА ШААРДЫК КЕҢЕШИ

ТОКТОМ 

2018-жылдын 14-сентябры № 01-5/ 106

Профилин өзгөртүү жөнүндө

Кочкор-Ата шаардык Кеңешинин XXVII чакырылышынын кезексиз XIII сессиясы, Кочкор-Ата шаарынын Гагарин көчөсүнүн тургуну Тажибаев Абдисатардын жеке менчигиндеги кир жуучу жайдын профилин өзгөртүү боюнча жазган арызы шаардык Кеңештин «Муниципалдык менчик, жер, өнөр жай, курулуш, транспорт жана энергетика маселелери боюнча» туруктуу комиссиясы карап берген корутундусун угуп жана талкуулап «Жергиликтүү өз алдынча башкаруу жөнүндө» Кыргыз Республикасынын Мыйзамын жетекчиликке алып,

ТОКТОМ КЫЛАТ:

1. Кочкор-Ата шаардык Кеңешинин «Муниципалдык менчик, жер, өнөр жай, курулуш, транспорт жана энергетика маселелери боюнча» туруктуу комиссиясынын корутундусу жактырылсын.

2. Кочкор-Ата шаарынын Гагарин көчөсүнүн № 15-үйүнүн а) жана б) батиринин тургуну Тажибаев Абдисатар Арапбаевичтин жеке менчигиндеги кир жуучу жайдын профилин «турак үй» деп өзгөртүүгө уруксат берилсин.

3. Профилин өзгөртүү боюнча тийиштүү иш кагаздарын даярдап берүүнү райондук архитектура жана шаар куруу Башкармалыгынан суралсын.

4. Токтомдун аткарылышын көзөмөлдөөнү шаардык Кеңештин «Муниципалдык менчик, жер, өнөр жай, курулуш, транспорт жана энергетика маселелери боюнча» туруктуу комиссияга жүктөлсүн.