КОЧКОР-АТА ШААРДЫК КЕҢЕШИ

ТОКТОМ 

2018-жылдын 14-сентябры № 01-5/ 109

Профилин өзгөртүү жөнүндө

Кочкор-Ата шаардык Кеңешинин XXVII чакырылышынын кезексиз XIII сессиясы, Кочкор-Ата шаарынын Пионер көчөсүнүн №37 үйүнүн 24 батиринин тургуну Касымбаев Мамытбекдин жеке менчигиндеги Жаштык I көчөсүнүн №15 дарегиндеги жер тилкесин пайдалануу багытын “Мечит” деп өзгөртүп берүү боюнча жазган арызы шаардык Кеңештин «Муниципалдык менчик, жер, өнөр жай, курулуш, транспорт жана энергетика маселелери боюнча» туруктуу комиссиясы карап берген корутундусун угуп жана талкуулап «Жергиликтүү өз алдынча башкаруу жөнүндө» Кыргыз Республикасынын Мыйзамын жетекчиликке алып,

ТОКТОМ КЫЛАТ:

1. Кочкор-Ата шаардык Кеңешинин «Муниципалдык менчик, жер, өнөр жай, курулуш, транспорт жана энергетика маселелери боюнча» туруктуу комиссиясынын корутундусу жактырылсын.

2. Касымбаев Мамытбектин жеке менчигиндеги Жаштык I көчөсүнүн №15 дарегиндеги жер тилкесин пайдалануу багытын «Мечит» деп өзгөртүүгө уруксат берилсин.

3. Пайдалануу багытын өзгөртүү боюнча тийиштүү иш кагаздарын даярдап берүүнү райондук архитектура жана шаар куруу Башкармалыгынан суралсын.

4. Токтомдун аткарылышын көзөмөлдөөнү шаардык Кеңештин «Муниципалдык менчик, жер, өнөр жай, курулуш, транспорт жана энергетика маселелери боюнча» туруктуу комиссияга жүктөлсүн.