КУРБАШ АЙЫЛДЫК КЕҢЕШИ

ТОКТОМ 

Куршаб айылдык Кенешинин (алтынчы шайланган) кезексиз VI отуруму

2017-жылдын 13-апрели №16

Жайыт жерлерин натыйжалуу жана сарамжалдуу башкарууну камсыз кылуу жөнүндө

Кыргыз Респупбликасынын «Жайыттар жөнүндө» Мыйзамынын 4-беренесине ылайык Ош облусунун Өзгөн районунун Куршаб айылдык Кенешинин (алтынчы шайланган) кезексиз VI отуруму жайыт жерлерин натыйжалуу жана сарамжалдуу башкарууну жана камсыз кылуу максатында маалыматтарды угуп, карап, талкуулап чыгып

ТОКТОМ КЫЛАТ:

1. Куршаб айыл аймагына жайыт пайдалануучулар бирикмесине жайыт жерлерин башкаруу жана пайдалануу боюнча жергиликтүү өз алдынча башкаруу органынын ыйгарым укуктары өткөрүлүп берилсин.

2. Жайыт пайдалануучулар бирикмесине жана анын аткаруу органы Жайыт комитетине жайыт жерлерин башкарууну жана пайдаланууну жергиликтүү кенеш тарабынан расмий бекитилген Жайыттарды башкаруу жана пайдалануу боюнча жамааттын көп жылдык жана бир жылдык пландарынын негизинде гана жүргүзүүсү милдеттендирилсин.

3. Ушул токтомдун экинчи бөлүгүндө көрсөтүлгөн пландар өз убагында аткарылбаса же аларды иш жүзүнө ашырууда одоно кемчиликтерге жол берилсе, анын ичинен Жайыт комитетинин карамагындагы акча каражаттары максатсыз жана натыйжасыз пайдаланылса өткөрүлүп берилген ыйгарым укуктары кайта жергиликтүү өз алдынча башкаруу органына кайтарылып алынары Жайыт пайдалануучулар бирикмесине жана анын аткаруу органы-Жайыт Комитетине эскертилсин.

4. Жайыт комитетинин башчысы Жайыт комитетинин бардык мүчөлөрүнө,жайыт пайдалануучуларга, жергиликтүү өз алдынча башкаруу органдарына, жайыттарды башкаруу боюнча ыйгарым укуктуу мамлекеттик органына жана анын жергиликтүү расмий өкүлчүлүктөрүнө Жайыт пайдалануучулар бирикмесинин Уставына жана бекитилген пландарга ылайык өз убагында толугу менен тийиштүү отчетторду, маалыматтарды берип туруусуна милдеттүү.

5. Жайыт комитетине жергиликтүү өз алдынча башкаруу органдары тарабынан жайыттарды башкаруу жана пайдалануу боюнча пландарды өз убагында жана бекитилген тартипте даярдоо, макулдашууда, бекитүүдө жана аткарууда ар тараптуу жардамдар такай көрсөтүлүп туруусу белгиленсин.

6. Жайыт жерлерин башкаруу жана пайдалануу боюнча аткарыла турган бардык иш-чаралар Кыргыз Республикасынын «Жайыттар жөнүндө» Мыйзамынын негизинде жүргүзүлүүсү каралсын.

7. Бул токтомдун аткарылышын тейлөө айыл аймагынын башчысы Оморов Белекбайга жүктөлсүн.

8. Ушул токтомдун аткарылышын көзөмөлдөө жагы айылдык Кеңештин айыл чарба, суу чарба,мелорация,экология,ветеринардык кызмат жана жайыт жана мыйзам дуулук, укук, тартипти чыңдоо,Регламент,этика боюнча туруктуу комиссияларына милдеттендирилсин.