Кадамжай шаардык кенешинин 2024-жылдын 4-июлундагы №201 токтомуна ылайык

КҮЧҮН ЖОГОТТУ

КАДАМЖАЙ ШААРДЫК КЕҢЕШИ

ТОКТОМ

Кадамжай шаардык кеңешинин III чакырылышынын кезексиз он тогузунчу сессиясы

2018-жылдын 26-февралы № 67

Кадамжай шаардык кеңешинин номери 63 сандуу токтомуна өзгөртүү киргизүү жөнүндө

Күн тартибинде «Кыргыз геофизикалык экспедициясы» Мамлекеттик ишканасынын «Алай геофизикалык партиясы» филиалына тиешелүү мейманкананын имаратын жана дүкөндүн имаратын Кадамжай шаардык мэриясынын муниципалдык менчигине кабыл алуу менен жергиликтүү өз алдынча башкаруу органдары жергиликтүү маанидеги маселелерин чечүүсүн камсыздоо, аймактын жашоо-турмушунун тутумунун иштешин, социалдык-экономикалык өнүгүшүн, жергиликтүү калкка жеткиликтүү билим берүүнү камсыз кылуу максатында жана Кыргыз Республикасынын “Ченемдик укуктук актылары жөнүндө” мыйзамынын 17-беренесине ылайык, Кадамжай шаардык Кеңеши

ТОКТОМ КЫЛАТ:

Кадамжай шаардык кеңешинин 2018-жылдын 8-январында кабыл алынган 63 номердеги токтому төмөнкүдөй болуп өзгөртүлсүн:

1. Кадамжай шаарына караштуу Таш-Кыя айылындагы Геологдор көчөсүндө жайгашкан «Кыргыз геофизикалык экспедициясы» Мамлекеттик ишканасынын «Алай геофизикалык партиясы» филиалына тиешелүү мейманкананын имаратын жана дүкөндүн имаратын Кадамжай шаардык мэриясынын муниципалдык менчигине кабыл алууга макулдук берилсин.

2. Аталган мейманкананын имаратын жана дүкөндүн имаратын Кадамжай шаардык мэриясынын муниципалдык менчигине өткөрүү иштерин жүргүзүү жагы Кадамжай шаардык мэриясынын алдындагы муниципалдык менчик департаментине жүктөлсүн.

3. Тиешелүү иштерди жана юридикалык документтерин бүткөрүү жагы Кадамжай шаардык мэриясына жүктөлсүн.