ТАЛАС ШААРДЫК КЕӉЕШИ

ТОКТОМ

VII чакырылыштагы кезектеги XXV сессиясы

2018-жылдын 14-ноябры № 156/25-7

Талас шаардык муниципалдык менчик башкармалыгынын жоболорун бекитүү жөнүндө

Кыргыз Республикасынын “Жергиликтүү өз алдынча башкаруу жөнүндө” Мыйзамынын 31-беренесинин 2-бөлүмүнүн 1-пункту,Талас шаардык өз алдынча башкаруусу-мэриясынын 22.06.2018-жылдагы №01-1/826 чыгыш сандуу катынын жана Талас шаардык кеңешинин “Регламент, депутаттык этика, мыйзамдуулук укук тартиби, жергиликтүү өз алдынча башкаруу иштери, көчөлөрдүн жана башка социалдык маданий объектилердин аттарын өзгөртүп кайрадан атоо боюнча” туруктуу комиссиясынын №3 протоколдук сунушунун негизинде, Кыргыз Республикасынын Өкмөтүнө караштуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттигинин 06.04.2018-жылдагы №01-8/41 сандуу Буйругун жетекчиликке алып, ишти жөнгө салуу максатында карап, талкуулап чыгып, Депутаттардын Талас шаардык кеңешинин сессиясы

ТОКТОМ КЫЛАТ:

1. Талас шаардык муниципалдык менчик башкармалыгынын төмөндөгү жоболору тиркемеге ылайык бекитилсин.

-Талас шаардык муниципалдык менчикте турган негизги каражаттарды эсептен

 чыгаруу тартиби жөнүндө типтүү жобосу (№1-тиркеме)

- Муниципалдык менчикте турган транспорт каражаттарын сатуунун тартиби жөнүндө типтүү жобосу (№2-тиркеме)

2. Кабыл алынган токтомду Талас шаардык “Жаңы Багыт” газетасына жарыялоо жана Кыргыз Республикасынын ченемдик укуктук актылардын мамлекеттик реестринен каттоодон өткөрүүнү көзөмөлдөө жагы Талас шаардык кеңешинин жооптуу катчысына (А.Сариева) милдеттендирилсин.

3. Токтомдун аткарылышын көзөмөлгө алуу жагы Депутаттардын Талас шаардык кеңешинин “Регламент, депутаттык этика, мыйзамдуулук укук тартиби, жергиликтүү өз алдынча башкаруу иштери, көчөлөрдүн жана башка социалдык маданий объектилердин аттарын өзгөртүп кайрадан атоо боюнча” туруктуу комиссиясынын төрагасына (Р.Байгараев) тапшырылсын.