КОШ-ДӨБӨ АЙЫЛДЫК КЕҢЕШИ

ТОКТОМ 

Кош-Дөбө айыл аймактык Кеңешинин VI-чакырылышынын кезексиз XVIII-сессиясы

2018-жылдын 13-сентябры № 18\65

Кыргыз Республикасынын жергиликтүү өз алдынча башкаруулардын Союзуна мүчө болуп кирүү жана мүчөлүк төлөмдөрдү төлөө жөнүндө

Кыргыз Республикасынын “Жергиликтүү өз алдынча башкаруу жөнүндө” Мыйзамынын 13-беренесине ылайык жана Кыргыз Республикасынын жергиликтүү өз алдынча башкаруулардын Союзунун Союзга мүчөлүк төлөмдөрдү төлөп берүү боюнча кайрылууларын карап чыгып,талкуулап Кош-Дөбө айыл аймактык Кеңеши

ТОКТОМ КЫЛАТ:

1. Кош-Дөбө айыл өкмөтү Кыргыз Республикасынын жергиликтүү өз алдынча башкаруулардын Союзуна мүчө болуп киришсин.

2. Кыргыз Республикасынын жергиликтүү өз алдынча башкаруулардын Союзунун Уставына ылайык жылына 1 жолу калктын санына жараша 1 кишиге 1 сомдон кем эмес 2018-жыл үчүн 3000 (үч миң) сом мүчөлүк төлөм төлөнүп берилсин.

3. Кыргыз Республикасынын жергиликтүү өз алдынча башкаруулардын Союзу менен иш алып баруу айыл аймагынын башчысына жүктөлсүн.

4. Бул токтомдун аткарылышын көзөмөлдөө жагы айыл өкмөт башчысы Т. Абыкеевге тапшырылсын.